Heppilegra ef aðrir kæmu að rannsókn á fjárfestingaleið Seðlabankans

Jón Steindór Valdimarsson, þingmaður Viðreisnar, segir það yfirleitt þannig að óheppilegt sé að menn rannsaki eigin málefni. Seðlabanki Íslands vinnur nú að gerð skýrslu um fjárfestingaleið Seðlabankans.

Jón Steindór Valdimarsson í 21 28. maí klippa 1
Auglýsing

„Ég held í það minnsta að það væri heppi­legra að það væru aðrir sem kæmu að þeirri vinnu, hvort sem það er þá sem ein­hvers­konar aðhald að bank­anum eða gagn­rýn­is­rödd að því. Það er  yf­ir­leitt þannig að það þykir óheppi­legt að menn rann­saki eigin mál eða mál sem hafa komið innan þeirrar stofn­unar sem er verið að fjalla um. Ég er þó ekki að segja að það sé með öllu gagns­laust.“

Þetta sagði Jón Stein­dór Valdi­mars­son, þing­maður Við­reisn­ar, í við­tali við Þórð Snæ Júl­í­us­son, rit­stjóra Kjarn­ans, í sjón­varps­þætt­inum 21 á Hring­braut í vik­unni aðspurður um hvort að heppi­legt væri að Seðla­banki Íslands ynni sjálfur að gerð skýrslu um fram­kvæmd hinnar svoköll­uðu fjár­fest­ing­ar­leiðar bank­ans.

Jón Stein­dór bætti við að það kasti vissri rýrð á nið­ur­stöður ef stofn­anir rann­saki sig sjálfar „af því að það gefur til­efni til að stofn­anir vilji birta sig í feg­urra ljósi en ástæða er til.“

Hægt er að sjá stiklu úr þætt­inum hér að neð­an:

Kjarn­inn greindi frá því í jan­úar síð­ast­liðnum að Seðla­bank­inn ynni að gerð skýrslu um hina svoköll­uðu fjár­­­fest­ing­­ar­­leið sem bank­inn bauð upp á árunum 2012-2015. Til­­­gangur skýrslu­­gerð­­ar­innar er að varpa ljósi á mark­mið leið­­ar­innar og árangur hennar við að búa í hag­inn fyrir losun fjár­­­magns­hafta. Upp­­lýs­ingar um upp­­runa þeirra þátt­tak­enda sem nýttu sér leið­ina verða birtar í skýrsl­unni eftir því sem lög leyfa og nauð­­syn­­legt er til að ná mark­miðum skýrsl­unn­­ar.  Skýrslan á að liggja fyrir á þessu ári.

Auglýsing
Alls fóru fram 21 útboð eftir fjár­­­­­­­fest­ing­­­ar­­­­leið­inni frá því í febr­­­­úar 2012 til febr­­­­úar 2015, þegar síð­­­­asta útboðið fór fram. Allt í allt komu um 1.100 millj­­­­ónir evra til lands­ins á grund­velli útboða fjár­­­­­­­fest­ing­­­­ar­­­­leið­­­­ar­inn­­­­ar, sem sam­svarar 206 millj­­örðum króna.

794 inn­­­­­­­lendir aðilar komu með pen­inga inn í íslenskt hag­­­­kerfi í gegnum útboð fjár­­­­­­­fest­ing­­­­ar­­­­leiðar Seðla­­­­banka Íslands. Pen­ingar þeirra námu 35 pró­­­­sent þeirrar fjár­­­­hæðar sem alls komu inn í landið með þess­­­­ari leið, en hún tryggði allt að 20 pró­­­­sent afslátt á eignum sem keyptar voru fyrir pen­ing­anna á Íslandi. Alls fengu þessir aðilar 72 millj­­­­arða króna fyrir þann gjald­eyri sem þeir skiptu í íslenskar krónur sam­­­­kvæmt skil­­­­málum útboða fjár­­­­­­­fest­ing­­­­ar­­­­leið­­­­ar­inn­­­­ar.

Afslátt­­­­ur­inn, eða virð­is­aukn­ing­in, sem þeir fengu með þessu umfram það ef þeir hefðu skipt gjald­eyr­inum á skráðu gengi Seðla­­­­bank­ans er um 17 millj­­­­arðar króna.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent