Ari Edwald, for­stjóri Mjólk­ur­sam­söl­unn­ar, hefur tekið við stjórn dótt­ur­fyr­ir­tæk­is­ins Ísey útflutn­ings og Jón Axel Pét­urs­son, fram­kvæmda­stjóri þess, látið af störf­um. Þá hefur Pálmi Vil­hjálms­son, fram­kvæmda­stjóri fram­leiðslu- og rekstr­ar­sviðs MS, verið ráð­inn aðstoð­ar­for­stjóri

Frá þessu er greint í Morg­un­blað­inu í dag, og segir Ari í við­tali við blaðið að nú sé starf­semin að vaxa hratt erlend­is. „Við erum að leggja enn meiri áherslu á erlendu starf­sem­ina, bæði með því að efla það sem við höfum verið að gera og skipu­leggja í hvaða formi hún eigi að vera í fram­tíð­inni. Talið var mik­il­vægt að for­stjóri fyr­ir­tæk­is­ins leiddi sjálfur þá vinn­u,“ segir Ari. 

Erlend starf­semi MS hefur farið veru­lega vax­andi. Skyr MS nýtur vax­andi vin­sælda, en Ísey vöru­merki félags­ins er nú fáan­legt á 16 mörk­uðum um allan heim, og Jap­an, Nýja-­Sjá­land og Ástr­alía muni brátt bæt­ast við. 



Vax­andi umsvif kalli á að miðið hjá fyr­ir­tæk­inu verði stillt, og stefnan tekin á frek­ari vöxt erlend­is, segir Ari í við­tali við Morg­un­blað­ið.

Jón Axel segir í frétta­til­kynn­ingu að hann haf átt góð 20 ár hjá fyr­ir­tæk­inu, og bjartir tímar séu framund­an. „Aukn­ingin á unda­förnum árum hefur verið mikil og það hefur komið afkomu MS fyr­ir­tæki í eigu íslenskra kúa­bænda vel. Það er ljóst að svona árangur næst ekki nema með öfl­ugu og góðu sam­starfs­fólki og réttum sam­starfs­að­il­um. Ég kveð þetta góða sam­starfs­fólk mitt sem ég hef lært mikið af með þakk­læti í huga og óska eft­ir­manni mínum Ara Edwald góðs gengis með áfram­hald­andi upp­bygg­ingu Ísey til fram­tíð­ar," segir Jón Axel.