Jón Gunnar Jóns­son var í dag skip­aður for­stjóri Sam­göngu­stofu frá og með 6. ágúst næst­kom­andi. Frá þessu er greint í frétt sam­göngu- og sveit­ar­stjórn­ar­ráðu­neyt­is­ins.

Sam­­göng­u­­stofa gefur meðal ann­­ars út flug­­­rekstr­­ar­­leyfi og hefur eft­ir­lit með þeim sem starfa á grund­velli þess. Mikil álag hefur verið á Sam­­göng­u­­stofu und­an­farna mán­uði, ekki síst vegna vanda WOW air, en eins og kunn­ugt er fór félagið í gjald­­þrota í kjöl­far þess að fjár­­hags­vandi félags­­ins var orð­inn óvið­ráð­an­­legur og flug­­­vélar félags­­ins voru kyrr­­sett­­ar.

Jón Gunnar er með M.Sc. gráðu í iðn­að­ar­verk­fræði frá Technical Uni­versity of Den­mark og B.Sc. gráðu í véla­verk­fræði frá Háskóla Íslands. Hann hefur verið stjórn­andi síð­ast­liðin 30 ár, síð­ast sem fram­kvæmda­stjóri Act­a­vis á Íslandi. Þá starf­aði hann sem fram­kvæmda­stjóri hjá Alcan á Íslandi og á Englandi og sem fram­leiðslu­stjóri Slát­ur­fé­lags Suð­ur­lands.

Umsækj­endur um emb­ætti for­stjóra Sam­göngu­stofu voru 23 tals­ins. Í grein­ar­gerð hæfn­is­nefndar eru til­greindir fimm umsækj­endur sem nefndin telur hæf­asta til að gegna umræddu starfi og var Jón Gunnar einn þeirra. Í mati nefnd­ar, eftir yfir­ferð umsagn­ar­gagna og við­töl, fékk Jón Gunnar flest stig þeirra fimm sem nefndin mat hæf­asta. Ráð­herra tók við­töl við þá fimm ein­stak­linga sem nefndin mat hæf­asta og var það mat hans að Jón Gunnar væri best til þess fall­inn að gegna starf­inu.

Í nefnd­inni sátu Árelía Eydís Guð­munds­dótt­ir, lektor við HÍ, sem jafn­framt var for­maður nefnd­ar­inn­ar, Guð­rún Gísla­dótt­ir, skrif­stofu­stjóri í atvinnu­vega- og nýsköp­un­ar­ráðu­neyt­inu og Helgi Val­berg Jens­son, yfir­lög­fræð­ingur lög­regl­unnar á höf­uð­borg­ar­svæð­inu.