Bjarg íbúða­fé­lag hyggst byggja 80 íbúðir á Kirkju­sandi.

Íbúð­irnar verða í átta húsum sem Þingvangur hefur tekið að sér að byggja fyrir Bjarg íbúða­fé­lag við Hall­gerð­ar­götu á Kirkju­sandi. Íbúð­irnar verða af ýmsum stærðum og legg­ur Reykja­vík­ur­borg fram lóð­ina sem stofn­fram­lag til Bjargs en ríkið styrkir einnig upp­bygg­ing­una með 18 pró­sent stofn­fram­lagi.

ASK arki­tektar teikn­uðu húsin sem verða byggð úr steypu og timbri. Félags­bú­staðir munu eiga og leigja út 20 pró­sent íbúða í hús­unum í Hall­gerð­ar­götu á móti Bjargi íbúða­fé­lagi.

„Kirkju­sandur er ákaf­lega vel stað­sett svæði og er úti­vist­ar­gildi svæð­is­ins mikið og gott aðgengi að strand­lengj­unni og Laug­ar­dal. Hall­gerð­ar­gata á teng­ist gömlum og rót­grónum hverfum á Teig­unum og Lækj­un­um. Stutt er í alla verslun og þjón­ustu, t.d.  Laug­ar­dals­laug, Skauta­höll­ina, Grasa­garð­inn, Fjöl­skyldu- og hús­dýra­garð­inn, Safn Sig­ur­jóns Ólafs­son­ar á Laug­ar­nestanga og Sól­heima­bóka­safn,“ segir í til­kynn­ingu frá Bjargi.

Full­trúar Bjargs og verka­lýðs­fé­lag­anna ásamt Degi B. Egg­erts­syni borg­ar­stjóra og full­trúum frá Þingvangi tóku skóflustung­una í gær en fram­kvæmdir við íbúð­irnar hefj­ast strax.

Bjarg íbúða­fé­lag er með­ 563 íbúðir í bygg­ingu  þar af 499 í Reykja­vík­ og verður flutt inn í fyrstu íbúð­irnar við Móa­veg í sumar en það var fyrsta bygg­ing­ar­fram­kvæmd Bjargs.