Vatns­mýrin fær póst­núm­erið 102 eftir að til­laga að rumkvæði Dags B. Egg­erts­son­ar, borg­ar­stjóra var sam­þykkt á fundi borg­ar­ráðs Reykja­vík­ur­borgar í gær. Sá hluti póst­núm­ers 101 sunnan við Hring­braut fær þar af leið­andi póst­núm­erið 102 en mörk póst­núm­era 105 og 107 hald­ast óbreytt.

Til­lagan var sam­þykkt með fjórum atkvæðum borg­ar­ráðs­full­trúa Sam­fylk­ing­ar­inn­ar, Vinstri grænna, Pírata og Við­reisnar gegn einu atkvæði Mörtu Guð­jóns­dótt­ur, borg­ar­ráðs­full­trúa Sjálf­stæð­is­flokks­ins. Marta sagði ekk­ert til­lit hafa verið tekið til athuga­semda um að breyta póst­núm­er­inu 102 á Hlíð­ar­enda en leyfa póst­núm­er­inu í Skerja­firði og vestan Njarð­ar­götu að halda sér á meðan Reykja­vík­ur­flug­völlur sé enn í Vatns­mýr­inn­i.Hún segir ekki kom­ist til móts við vilja íbúa heldur ein­göngu sé litið til vilja upp­bygg­ing­ar­að­ila á Hlíð­ar­enda­svæð­inu.

Tveir borg­ar­ráðs­full­trúar Sjálf­stæð­is­flokks­ins, þær Hildur Björns­dóttir og Val­gerður Sig­urð­ar­dótt­ir, sátu hjá við afgreiðslu máls­ins.

Flokkur fólks­ins vildi nota þrjár millj­ón­irnar sem fari í að skipta um póst­númer í Vatns­mýr­inni fari í að greiða niður gjald skóla­mál­tíða.

Í bókun borg­ar­ráðs­full­trúa Sam­fylk­ing­ar­inn­ar, Við­reisn­ar, Pírata og Vinstri grænna kemur vram að 102 Reykja­vík sé eitt mesta upp­bygg­ing­ar­svæðið í núver­andi vaxt­ar­skeiði borg­ar­inn­ar. Innan póst­núm­er­is­ins séu bæði Háskóli Íslands og Háskól­inn í Reykja­vík, háskóla­garðar HR og Stúd­enta­garðar auk Vís­inda­garða­svæð­is­ins. Naut­hóls­vík ásamt gömlu og nýju byggð­inni í Skerja­firði eru einnig innan svæð­is­ins.