Albert­ína Frið­­­björg Elí­as­dótt­ir, þing­­maður Sam­­fylk­ing­ar­inn­ar, af­sal­aði sér rétti sínum til and­svars á þingi í dag, eftir að Gunnar Bragi Sveins­son, þing­maður Mið­flokks­ins, hafði veitt henni and­svar, í umræðum um fisk­eld­i. 

Fjallað var um málið fyrst á vef Frétta­blaðs­ins.

Gunnar Bragi var einn sex þing­manna Mið­flokks­ins sem tal­aði með niðr­andi hætti til kvenna, ekki síst sam­starfs­kvenna á þingi, á Klaustur bar. Hann tal­aði meðal ann­ars með niðr­andi hætti um Albertínu. Greini­legt er að málið ristir djúpt í starf­inu á þingi, og langt í frá að sár séu gró­in.

Aðrir sem voru með honum voru Sig­mundur Davíð Gunn­laugs­son, for­maður Mið­flokks­ins, Berg­þór Óla­son, Anna Kol­brún Árna­dótt­ir, Ólafur Ísleifs­son og Karl Gauti Hjalta­son. Þeir tveir síð­ast­nefndu voru reknir úr Flokki fólks­ins eftir að málið kom upp, en gengu til liðs við Mið­flokk­inn skömmu síð­ar, eins og kunn­ugt er.

Gunnar Bragi sagði í ræðu sinni að hann hefði ekki haft tök á því að kynna sér ítar­­lega álit minn­i­hlut­ans. Hann beindi spurn­ingum til Albertínu um hvort henni þætti það ekki á­hyggju­efni að í til­­lög­unum væri ekki gert ráð fyrir eða fjallað um hvernig fisk­eld­is­­sjóður eigi að starfa.

Albertína fór til starf­andi þing­for­seta, Bryn­dísar Har­alds­dótt­ur, þing­manns Sjálf­stæð­is­flokks­ins, ásamt Odd­nýju Harð­ar­dótt­ur, og eftir stutt sam­tal þeirra á milli var til­kynnt um að Albertína hefði afsalað sér rétti til að veita and­svar.