Eyrún ráðin framkvæmdastjóri Kjarnans

Nýr framkvæmdastjóri hefur hafið störf hjá Kjarnanum.

Eyrún Magnúsdóttir Mynd: Eggert Jóhannesson
Auglýsing

Eyrún Magn­ús­dóttir hefur verið ráðin fram­kvæmda­stjóri Kjarn­ans. Hún hefur þegar hafið störf.

Eyrún hefur síð­ast­liðin tæp sjö ár haft umsjón með og rit­stýrt Sunnu­dags­blaði Morg­un­blaðs­ins en starf­aði þar áður sem ráð­gjafi árum saman þar sem hún kom að ýmis konar verk­efna­stjórn­un, mark­aðs- og útgáfu­málum og stefnu­mót­un­ar­vinnu. Hún starf­aði einnig á RÚV á árunum 2004 til 2006 og var meðal ann­ars einn þátta­stjórn­enda Kast­ljóss á því tíma­bili. Eyrún er með BA gráðu í hag­fræði með sagn­fræði sem auka­grein. Þá hefur hún lokið meist­ara­námi í stjórnun og stefnu­mótun frá við­skipta­fræði­deild Háskóla Íslands.

Eyrún tekur við starfi fram­kvæmda­stjóra af Þórði Snæ Júl­í­us­syni sem gegnt hefur því sam­hliða rit­stjóra­starfi frá byrjun árs 2018. Hann mun nú ein­beita sér alfarið af rit­stjórn Kjarn­ans.

Auglýsing
„Kjarninn hefur náð að skapa sér sess sem vand­aður mið­ill þar sem áherslan er á gæði og dýpt umfjöll­un­ar. Blaða­menn og aðrir sem að Kjarn­anum standa hafa skýra sýn á hlut­verk sitt við að upp­lýsa og útskýra með almanna­hag að leið­ar­ljósi. Ég er ákaf­lega spennt að takast á við áskor­anir fram­tíð­ar­innar með þessum metn­að­ar­fulla hópi og taka þátt í að þróa Kjarn­ann áfram," segir Eyrún. 

Þórður Snær segir það mik­inn feng að fá Eyrúnu til starfa. „Rekstur Kjarn­ans hefur gengið vel und­an­farin ár og er í góðu jafn­vægi. Stefna okkar sem að honum standa er að halda áfram að vaxa, styrkja stöðu Kjarn­ans í íslensku fjöl­miðlaum­hverfi og auka við þá umfangs­miklu frétta­þjón­ustu sem við veitum les­endum okkar nú þeg­ar. Eyrún hefur mikla reynslu af fjöl­miðla­starf­semi auk þess sem hún býr yfir mennt­un, þekk­ingu og hæfi­leikum til að leiða þann vöxt.“

Kjarn­inn rekur frétta­vef, gefur út dag­­legan morg­un­­póst, stendur að opna umræðu­vett­vangnum Leslist­anum og heldur úti hlað­varps­­þjón­­ustu. Þá gefur Kjarn­inn út Vís­bend­ingu, viku­­rit um við­­skipti, efna­hags­­mál og nýsköp­un, og ensk frétta­bréf.

Kjarn­inn er einnig í sam­­starfi við önnur fjöl­miðla­­fyr­ir­tæki um fram­­leiðslu á frétta­tengdu efni. Helstu sam­starfs­að­ilar eru sjón­varps­stöðin Hring­braut og Birt­ing­ur, vegna útgáfu á viku­lega frí­blað­inu Mann­lífi.

Rit­stjórn­ar­stefna Kjarn­ans er að leggja áherslu á gæði og dýpt í umfjöll­unum sín­um. Að upp­lýsa almenn­ing í stað þess að ein­blína á að skapa vef­um­ferð. Þar er lögð áhersla á umfjöllun um alþjóða­mál, inn­lenda þjóð­mála­um­ræðu, við­skipti, efna­hags­mál, stjórn­mál og loft­lags- og umhverf­is­mál. Lyk­ill­inn að því að gera þetta kleift er Kjarna­sam­fé­lag­ið, þar sem ein­stak­lingar styrkja Kjarn­ann með mán­að­ar­legu fram­lagi. Hægt er að ger­ast styrkt­ar­að­ili hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ingrid Kuhlman
Hefur þú of miklar áhyggjur?
Kjarninn 4. apríl 2020
Fjörutíu og fimm manns eru innilggjandi á sjúkrahúsi vegna COVID-19 sýkingar.
Virkum smitum fækkar milli daga í fyrsta sinn
Fimmtíu og þrjú ný COVID-19 smit hafa verið staðfest hér. Samkvæmt nýjustu tölum á vefnum Covid.is batnaði fleirum af sjúkdómnum í gær en greindust og er það í fyrsta skipti frá því að faraldurinn hófst hér á landi sem það gerist.
Kjarninn 4. apríl 2020
Mesta endurkoma í stuðningi við ríkisstjórn frá upphafi mælinga
Ríkisstjórn Katrínar Jakobsdóttur hefur bætt við sig 11,2 prósentustigum í stuðningi frá því í lok febrúar. Það er mesta stökk upp á við í stuðningi sem ríkisstjórn hefur tekið. Ríkisstjórnarflokkarnir njóta þess þó ekki í fylgi.
Kjarninn 4. apríl 2020
„Núna er heil þjóð og í raun allur heimurinn í einu og sama liðinu“
Vilborg Arna Gissurardóttir hefur í leiðöngrum sínum sýnt fádæma þrautseigju og úthald. Hún segir umburðarlyndi lykilinn að því að komast á áfangastað, hvort sem hann er tindur hæsta fjalls heims eða dagurinn sem kórónuveiran kveður.
Kjarninn 4. apríl 2020
Helgi Hrafn Gunnarsson
Sönnunarbyrði yfirvalda
Kjarninn 4. apríl 2020
Hægt að banna arðgreiðslur banka og koma í veg fyrir endurkaup á hlutabréfum
Seðlabankinn ætlast til þess að viðskiptabankar nýti ekki það 350 milljarða króna svigrúm sem þeim hefur verið veitt með því að afnema eiginfjárauka til að greiða út arð. Fjármálaeftirlit hans getur bannað arðgreiðslur við ákveðnar aðstæður.
Kjarninn 4. apríl 2020
Neftóbakssala ÁTVR hefur dregist saman um 66 þúsund dósir það sem af er ári
Heildsala ÁTVR á íslensku neftóbaki dróst saman um 32 prósent, eða 3,3 tonn, á fyrstu þremur mánuðum ársins miðað við söluna á sama tímabili í fyrra. Innfluttir tóbakslausir níkótínpúðar virðast vera að sópa til sín markaðshlutdeild.
Kjarninn 3. apríl 2020
Hjúkrunarfræðingar fá áfram greiðslur sem þeir áttu að missa um síðustu mánaðarmót
Vaktaálagsaukinn sem leggst ofan á laun hjúkrunarfræðinga, en var aflagður um nýliðin mánaðarmót með þeim afleiðingum að laun þeirra lækkuðu umtalsvert, hefur verið framlengdur.
Kjarninn 3. apríl 2020
Meira úr sama flokkiInnlent