Pen­inga­stefnu­nefnd Seðla­banka Íslands hefur ákveðið að lækka meg­in­vexti bank­ans um 0,25 pró­sentu­stig. Það þýðir að vextir hans eru nú 3,75 pró­sent og hafa lækkað um 0,75 pró­sentu­stig í síð­ustu tveimur ákvörð­unum henn­ar. 

Þar með hefur einni af for­sendum Lífs­kjara­samn­ing­anna, um að meg­in­vextir Seðla­banka Íslands myndu lækka um 0,75 pró­sentu­stig fyrir sept­em­ber 2020, verið náð rúmu ári fyrir þá dag­setn­ingu, að minnsta kosti tíma­bund­ið.

Vaxta­lækk­unin kemur ekki mikið á óvart. Síð­ast þegar vaxta­á­kvörðun átti sér stað voru vextir lækk­aðir um 0,5 pró­sentu­stig og allir grein­ing­ar­að­ilar voru sam­mála um að áfram­hald­andi vaxta­lækkun væri í kort­un­um. 

Meg­in­vextir Seðla­banka Íslands hafa ekki verið lægri frá því seint á árinu 2011, en á því ári voru þeir undir fjórum pró­sentum í nokkra mán­uð­i. 

Í yfir­lýs­ingu pen­inga­stefnu­nefndar segir að nýjar upp­lýs­ingar um þróun efna­hags­mála breyti ekki því mati á efna­hags­horfum sem lá fyrir á síð­asta fundi pen­inga­stefnu­nefnd­ar. „Hag­vöxtur á fyrsta árs­fjórð­ungi var í takt við maí­spá Seðla­bank­ans og áfram er gert ráð fyrir sam­drætti í þjóð­ar­bú­skapnum sem mun birt­ast frekar á kom­andi mán­uð­um. Kröft­ugri einka­neysla á fyrsta fjórð­ungi og leið­andi vís­bend­ingar gætu þó bent til þess að und­ir­liggj­andi þróttur inn­lendrar eft­ir­spurnar hafi verið meiri en talið var. Á móti eru horfur á að sam­dráttur í ferða­þjón­ustu verði meiri.

Verð­bólga hefur enn sem komið er verið í sam­ræmi við síð­ustu spá Seðla­bank­ans en sam­kvæmt spánni hefur hún náð hámarki og mun hjaðna í átt að mark­miði þegar líður á árið. Frek­ari lækkun gengis krón­unnar gæti þó sett strik í þann reikn­ing. Verð­bólgu­vænt­ingar hafa lækkað frá því sem þær voru í kringum síð­asta fund nefnd­ar­inn­ar. Taum­hald pen­inga­stefn­unnar hefur því auk­ist á ný.

Sam­dráttur í þjóð­ar­bú­skapnum mun reyna á heim­ili og fyr­ir­tæki en við­náms­þróttur þjóð­ar­bús­ins er umtals­vert meiri nú en áður. Svig­rúm pen­inga­stefn­unnar til að mæta efna­hags­sam­drætt­inum er einnig tölu­vert, sér­stak­lega ef fer sem horfir og verð­bólga og verð­bólgu­vænt­ingar hald­ast við verð­bólgu­mark­mið. Þá mun boðuð slökun í aðhaldi rík­is­fjár­mála leggj­ast á sömu sveif.

Pen­inga­stefnan mun á næst­unni ráð­ast af sam­spili þró­unar efna­hags­um­svifa ann­ars vegar og verð­bólgu og verð­bólgu­vænt­inga hins veg­ar.“