Starfs­greina­sam­bandið og Efl­ing skora á sveit­ar­fé­lögin að semja við S­GS og Efl­ingu um sömu greiðslur og aðrir munu fá þann 1. ágúst næst­kom­andi eða taka að öðrum kosti sjálf­stæða ákvörðun um að greiða sínu fólki inn á vænt­an­legan kjara­samn­ing til jafns við annað starfs­fólk, að því er segir í sam­eig­in­legri frétta­til­kynn­ingu Starfs­greina­sam­bands Íslands (SGS) og Efl­ing­ar. 

SGS og Efl­ing hafa átt í kjara­samn­ings­við­ræðum við Sam­band íslenskra sveit­ar­fé­laga vegna félags­manna sinna sem vinna hjá sveit­ar­fé­lögum öðrum en Reykja­vík­ur­borg. Við­ræð­urnar hafa gengið bæði hægt og illa, sam­kvæmt til­kynn­ing­unni.

Í til­kynn­ing­unni segir að samn­inga­nefnd Sam­bands íslenskra sveit­ar­fé­laga hafi nú þeg­ar ­samið við ein­stök sam­bönd og stétt­ar­fé­lög um að þeir félags­menn sem starfa hjá sveit­ar­fé­lög­un­um, skuli fá greiddar 105.000 krón­ur, miðað við fullt starf,  þann 1. ágúst næst kom­and­i ­sem greiðslu inn á vænt­an­legan samn­ing. Þar á meðal eru sam­tökin BSRB en greint var frá því í dag að BSRB hafi náð sam­komu­lagi við Sam­­band ís­­lenskra sveit­­ar­­fé­laga og Reykja­vík­­­ur­­borg um fram­hald kjara­við­ræðn­a. 

Því hafa S­GS og Efl­ing kraf­ist þess að félags­menn þeirra hjá sveit­ar­fé­lög­un­um ­fái líka umrædda greiðslu en sam­kvæmt félög­unum var því alfarið hafnað af hálfu samn­inga­nefnd­ar sveit­ar­fé­laga ­með þeim rökum að S­GS og Efl­ing væru búin að vísa kjara­deil­unni til rík­is­sátta­semj­ara. Í til­kynn­ing­unni segir að það sé  öllu ólíð­andi.

Enn fremur kemur fram að það sé samn­inga­nefnd Sam­bands íslenskra sveit­ar­fé­lag „til vansa að skilja sína lægst laun­uðu starfs­menn eftir eina úti í kuld­an­um. Starfs­greina­sam­band Íslands og Efl­ing trúa því ekki fyrr en á reyn­ir, að sveit­ar­stjórn­ar­menn hygg­ist koma svona fram við sitt frá­bæra starfs­fólk.“