Ásgeir Helgi Reyk­fjörð Gylfa­son hefur verið ráð­inn aðstoð­ar­banka­stjóri Arion banka og mun hann hefja störf með haustinu. Um nýtt hlut­verk er að ræða innan bank­ans.

Ásgeir hefur und­an­farin ár starfað sem fram­kvæmda­stjóri fyr­ir­tækja­sviðs Kviku banka hf. Hann var með­limur í fram­kvæmda­hópi um losun fjár­magns­hafta árið 2015 og áður starf­aði hann hjá MP banka sem yfir­lög­fræð­ing­ur, hjá LOGOS lög­manns­þjón­ustu í Reykja­vík og London og hjá Straumi fjár­fest­ing­ar­banka. 

Ásgeir er með lög­manns­rétt­indi og hefur lokið laga­prófi frá Háskól­anum í Reykja­vík.

,,Það er mik­ill fengur fyrir okkur í Arion banka að fá Ásgeir til liðs við okk­ur. Hann býr yfir mjög góðri þekk­ingu á fjár­mála­starf­semi og því hvernig auka megi arð­semi í þeirri starf­semi í kjöl­far breytts starfs­um­hverfis banka. Ég er því sann­færður um að hans kraftar eiga eftir að nýt­ast vel í bank­anum og hlakka til sam­starfs­ins,“ segir Bene­dikt Gísla­son, nýr banka­stjóri Arion banka, en hann hóf störf 1. júlí síð­ast­lið­inn.

Heild­ar­eignir Arion banka nema rúm­lega 1.200 millj­örðum króna en eigið fé bank­ans var 193 millj­arðar í lok fyrsta árs­fjórð­ungs. Mark­aðsvirði bank­ans nemur um þessar mundir um 140 millj­örðum króna.