Nið­ur­stöðu Banka­sýslu rík­is­ins um hvort selja eigi rík­is­bankana, Íslands­banka og Lands­banka, er að vænta á allra næstu vik­um.

Þetta segir Lárus Blön­dal, for­maður stjórn­var Banka­sýslu rík­is­ins, í við­tali við Morg­un­blaðið í dag. Hann seg­ist jafn­framt telja hluti rík­is­ins í bönkum - þar af Íslands­banka í heild og um 99 pró­sent hlut í Lands­bank­anum - vera sölu­væn­legri nú heldur en áður, á toppi hag­sveifl­unn­ar. 

Hann segir að unnið sé eftir því, að sölu­ferlið geti haf­ist á þessu ári og lokið á því næst, árið 2020. 

Sam­kvæmt stefnu stjórn­valda, allt frá árinu 2009, hefur það verið á stefnu­skrá stjórn­valda að selja hluti í bönk­un­um, en halda þó eftir stórum eign­ar­hlut í Lands­bank­an­um, 30 til 40 pró­sent. 

Rík­is­sjóður á nú Íslands­banka og Lands­bank­ann að nær öllu leyti, eins og áður seg­ir, en sam­an­lagt eigið fé þess­ara banka nemur um 410 millj­örðum króna þessi miss­er­in. 

Sé mið tekið af verð­lagn­ing­unni á Arion banka, sem er skráður á mark­að, þá er virði bank­anna um 280 til 330 millj­arð­ar, en virði Arion banka hefur sveifl­ast lengst á milli 0,7 til 0,8 sinnum eigið fé.