Nova og Sím­inn hafa samið um dreif­ingu á enska bolt­anum í gegnum Nova TV appið á Apple TV. Einnig verður hægt að horfa á útsend­ing­arnar í snjall­sím­um, spjald­tölvum og á nova.is. 

Þetta kemur fram í til­kynn­ingu frá Nova. Mar­grét Tryggva­dótt­ir, for­stjóri Nova, segir í til­kynn­ingu að heim­ilin í land­inu séu að borga millj­arða á ári fyrir leigu á mynd­lyklum, og það sé óþarf­i. „­Sam­kvæmt nýj­ustu tölum Póst- og fjar­skipta­stofn­unar hafa þús­undir Íslend­inga skilað inn mynd­lyklunum sínum að und­an­förnu. Við teljum að fram­tíð sjón­varps sé á net­inu og það eina sem þú þurfir í dag til að horfa á sjón­varp sé öflug háhraða netteng­ing. Með Nova TV ein­földum við aðgengi að sjón­varps­stöðvum og fólk getur hætt að greiða mán­að­ar­gjald af mynd­lykl­um. Sam­kvæmt tölum Póst og fjar­skipta­stofn­unar eru núna rétt um eitt hund­rað þús­und mynd­lyklar í notkun hér á landi. Sé horft til þess hvað er verið að rukka fyrir leigu á mynd­lyklum þá eru Íslend­ingar að borga rúma tvo millj­arða króna á ári í mynd­lykla­gjöld. Það er algjör óþarfi og með þess­ari þjón­ustu þá viljum við brjóta upp fákeppn­ina sem hefur verið í aðferðum til að nálg­ast sjón­varps­efni. Við höfum tal­að fyrir því að fólk sé ekki eins og risa­eðlur þegar kemur að tækn­inni. Nova TV er fyrir alla sem vilja ekki vera risa­eðl­ur, vilja horfa á sjón­varpið í gegnum netið og spara sér pen­ing í leið­inn­i,“ segir Mar­grét.

Nova TV appið verður aðgengi­legt í Android TV á næst­unn­i. Báðar íþrótta­stöðvar Sím­ans verða aðgengi­legar í Nova TV, en þriðju stöð­inni verður bætt við þegar útsend­ingar verða frá leikjum í 4K-­gæð­um.

„Ekki er lengur tækni­lega nauð­syn­legt fyrir íslenska sjón­varps­á­horf­endur að vera með mynd­lykil til að vera með áskrift að enska bolt­an­um. Mark­mið Nova með dreif­ing­unni er að auð­velda fólki að hætta alfarið notkun mynd­lykla. Fyr­ir­tækið er hið eina, af stóru fjar­skipta­fyr­ir­tækj­unum hér­lend­is, sem ekki heldur úti mynd­lykla­kerf­i,“ segir í til­kynn­ingu frá Nova.

Sím­inn er nýr rétt­hafi enska bolt­ans, og verður með hann á dag­skrá frá upp­hafi nýs keppn­is­tíma­bils en Sýn hefur verið með hann und­an­farin ár. Sím­inn selur íslenskum sjón­varps­á­horf­endum áskrift að honum í gegnum eigin mynd­lykla og aðrar dreifi­leiðir en mun nú einnig bjóða upp á áskrift­ina í gegnum sjón­varps­app Nova. 

Nova TV appið er gjald­frjálst og öllum aðgengi­legt óháð áskrift. „Not­endur apps­ins þurfa ekki á mynd­lykli að halda og sleppa því til að mynda við að greiða leigu­gjöld sem fylgja mynd­lyklu­m,“ segir í til­kynn­ingu frá Nova.