Össur hefur samið um kaup á stoð­tækja­fyr­ir­tæk­inu Col­lege Park Indrusties, sem er með höf­uð­stöðvar í Detroit í Banda­ríkj­un­um. Starfs­menn fyr­ir­tæk­is­ins eru 140 tals­ins en fyr­ir­tækið velti 22 millj­ónum Banda­ríkja­dala í fyrra, eða sem nemur um 2,7 millj­örðum króna. 

Með kaupum hyggst Össur efla vörur Col­lege Park enn­frekar með alþjóð­legu sölu- og mark­aðs­starfi, en vörur fyr­ir­tæk­is­ins hafa fengið góðar við­tökur og eru þekktar af gæðum og góðri tækn­i. 

Mark­aðsvirði Öss­urar hefur auk­ist jafnt og þétt að und­an­förnu en við lokun mark­aða í gær, nam mark­aðsvirði félags­ins 17,4 millj­örðum danskra króna, eða sem nemur um 323,4 millj­örðum króna. 

Gengi bréfa félags­ins hækk­aði um 3,54 pró­sent í gær, og virt­ust fjár­festar taka fyr­ir­hug­uðum kaupum félags­ins á Col­lege Park vel. Össur er með starf­semi í 25 löndum og eru starfs­menn nú um 3 þús­und, en höf­uð­stöðv­arnar eru í Reykja­vík. 

Jón Sig­urðs­son, for­stjóri Öss­ur­ar, segir í til­kynn­ingu að með kaupum á Col­lege Park þá verði hægt að koma betur til móts við þarfir við­skipta­vina, og að lagt sé upp með að halda áfram vöru­þróun með það að mark­miði að koma sem best til móts við not­end­ur.