Erla Hlyns­dóttir hefur sagt starfi sínu lausu sem fram­kvæmda­stjóri Pírata. Frá þessu greinir hún í stöðu­upp­færslu á Face­book-­síðu sinni í dag.

„Ég hef unnið með flokknum í gegn um tvennar kosn­ing­ar, fyrst óvæntar alþing­is­kosn­ingar og síðan sveit­ar­stjórn­ar­kosn­ing­ar. Tími minn hjá Pírötum hefur verið afskap­lega dýr­mætur og ég er þakk­lát fyrir að hafa verið treyst fyrir þeim mik­il­vægu verk­efnum sem ég hef fengið að sinna. Ég ætla hins vegar ekki að halda því fram að þetta hafi alltaf verið auð­velt. Síður en svo. Það er eig­in­lega ekki hægt að lýsa hvernig það er að vinna fyrir stjórn­mála­hreyf­ingu. En það er alltaf fjör,“ skrifar hún.

Hún segir að á þeim tíma sem hún hefur starfað fyrir hreyf­ing­una hafi hún kynnst mörgu ein­stöku fólki sem hún viti að hún hefði hvergi kynnst ann­ars staðar en hjá Píröt­um.

Leitar nýrra ævin­týra

„Ég hef líka eign­ast sanna og trausta vini. Ég hef lært afar mikið um líf­ið, sam­skipti, stjórn­mál, já og ferla. Við skulum aldrei gleyma ferlum! Því­líkur skóli sem þetta hefur ver­ið, því­líkt sem ég hef getað lagt inn í reynslu­bank­ann.

Á þessum tíma­punkti tel ég best að segja þetta gott og leita að nýjum ævin­týr­um. Ég veit að Píratar verða ekki í vanda að leita uppi sín eigin ævin­týr,“ skrifar hún.