Jóhanna Sig­urð­ar­dótt­ir, fyrr­ver­andi for­sæt­is­ráð­herra Íslands, segir í stöðu­upp­færslu á Face­book að nið­ur­staðan í Klaust­urs­mál­inu sé ekki boð­leg. Mál sem þetta geti komið upp aftur og aftur ef Alþingi breyti ekki leik­reglum sín­um. 

Jó­hanna segir að það sé ótækt að Alþingi skipi núver­andi eða fyrr­ver­andi þing­menn í nefnd til að fjalla um mögu­leg brot á siða­reglum þings­ins. „Ég legg til að skipuð verði siða­nefnd í upp­hafi hvers kjör­tíma­bils, skipuð sér­fræð­ingum utan Alþing­is, og að brot á siða­reglum hafi afleið­ingar fyrir við­kom­and­i.“ 

Þannig mætti hugsa sér að þing­mað­ur, sem brot­legur ger­ist við siða­regl­ur, verði lát­inn fara í launa­laust leyfi til­tek­inn tíma sem eftir lifir kjör­tíma­bils í sam­ræmi við alvar­leika brots­ins. „Það væri liður í að end­ur­reisa virð­ingu Alþing­is,“ segir Jóhanna.

For­­sæt­is­­nefnd lauk í dag með­­­ferð sinni á hinu svo­­kall­aða Klaust­­ur­­máli. Það var nið­­ur­­staða for­­sæt­is­­nefndar að fall­­ast beri á mat siða­­nefndar frá 5. júlí síð­­ast­liðn­­­um.

Sam­kvæmt áliti siða­­nefndar Alþingis brutu Berg­þór Óla­­­son og Gunnar Bragi Sveins­­­son, þing­­­menn Mið­­­flokks­ins, siða­­­reglur alþing­is­­­manna með ummælum sem þeir létu falla á barnum Klaustri þann 20. nóv­­­em­ber síð­­­ast­lið­inn.

Aðrir þing­­­­menn sem tóku þátt í sam­tal­inu, Sig­­­­mund­ur Davíð Gunn­laugs­­­­son og Anna Kol­brún Árna­dótt­ir, þing­­­menn Mið­­­flokks­ins, og Karl Gauti Hjalta­­­­son og Ólaf­ur Ísleifs­­­­son, sem voru í Flokki fólks­ins þegar sam­talið átti sér stað en gengu síðar til liðs við Mið­­­flokk­inn, brutu ekki gegn siða­regl­um, að mati nefnd­­­ar­inn­­­ar.