„Hátt­virtur for­maður stjórn­skip­un­ar- og eft­ir­lits­nefndar Alþingis notar orðið „skít­ur“ um það að íslenska ríkið taki til varna þegar að hags­munum Íslands og íslenskrar stjórn­skip­unar er sótt í gegnum erlendar stofn­an­ir. Það kemur svo sem ekki á óvart að Sam­fylk­ingin taki afstöðu gegn Íslandi eins og hún gerði í Ices­ave mál­inu og með umsókn­inni og aðlög­un­inni að Evr­ópu­sam­band­inu á sínum tíma. En þetta orð­bragð lýsir alveg nýjum metn­aði gegn hags­munum Ísland.“ 

Þetta segir Sig­ríður Á. And­er­sen, þing­maður Sjálf­stæð­is­flokks og fyrr­ver­andi dóms­mála­ráð­herra, í stöðu­upp­færslu á Face­book. 

Þar vísar hún til orða Helgu Völu Helga­dótt­ur, þing­manns Sam­fylk­ing­ar­innar og for­manns stjórn­skip­un­ar- og eft­ir­lits­nefnd­ar, vegna svar­leysis núver­andi dóms­mála­ráð­herra vegna fyr­ir­spurnar hennar um kostnað hins opin­bera af Lands­rétt­ar­mál­inu svo­kall­aða. 

Helga Vala sagði í stöðu­upp­færslu á Face­book í dag að ráð­herr­ann hefði ekki svarað marg­ít­rek­uðum fyr­ir­spurnum sínum um málið og velti því fyrir sér hvort það gæti ekki verið að henni væri ekki svarað „því það er verið að bíða eftir nýjum dóms­­­mála­ráð­herra Sjálf­stæð­is­flokks og sú sem þar situr vill bara alls ekki fá þennan skít á sig?“ 

Segir þing­menn Sam­fylk­ingar hafa staðið að „mann­rétt­inda­broti“

Mann­rétt­inda­­dóm­­stóll Evr­­ópu komst að þeirri nið­ur­stöðu í mars síð­­ast­liðn­­um að Sig­ríður og Alþingi hafi skipað fjóra dóm­­ara af þeim 15 sem voru upp­haf­lega skip­aðir í Lands­rétt með ólög­­mætum hætti. Sig­ríður þurfti að segja af sér emb­ætti dóms­­mála­ráð­herra vegna máls­ins.

Í stöðu­upp­færsl­unni í dag segir Sig­ríður að ráð­herra, Alþingi og for­seti Íslands hafi allir kom­ist að sömu nið­ur­stöðu um skipun 15 dóm­ara við Lands­rétt. „Hæsti­réttur komst svo að þeirri nið­ur­stöðu að við dóm­ur­unum 15 yrði ekki hróflað og að sak­born­ingar nytu rétt­látrar máls­með­ferðar fyrir dóm­in­um. Allar greinar rík­is­valds­ins voru sam­stíga um nið­ur­stöð­una. Aldrei áður hafa dóm­arar verið skip­aðir með svo þéttum stuðn­ingi allra greina rík­is­valds­ins. Lands­réttur starf­aði svo með miklum ágætum á annað ár.

Þá gerir ein af póli­tískt skip­uðum stofn­unum Evr­ópu­ráðs­ins, MDE, því skóna í mála­ferlum manns, sem ját­aði að hafa ekið bif­reið undir áhrifum fíkni­efna og án öku­rétt­inda, að dómur Lands­réttar yfir mann­inum hefði verið mann­rétt­inda­brot!“

Sig­ríður bætir við að önnur ástæða fyrir ákvörðun Mann­rétt­inda­dóm­stóls Evr­ópu sé sú ákvörðun Alþing­is, þvert á það sem hún hafi lagt til við Alþingi, að greiða atkvæði í einu lagi um allar 15 til­lög­urn­ar. „Þeir sem stóðu að þessu „mann­rétt­inda­broti“ á sak­born­ingi að mati MDE voru meðal ann­arra þing­menn Sam­fylk­ing­ar­inn­ar.“

Eftir að Helga Vala birti sína stöðu­upp­færslu í dag birti Frétta­blaðið upp­lýs­ingar um að núver­andi dóms­mála­ráð­herra, Þór­dís Kol­brún Reyk­fjörð Gylfa­dótt­ir, hafi þegar svarað fyr­ir­spurn hennar en að það svar hafi ekki enn verið birt á vef Alþing­is.