Arion banki hagn­að­ist um 2,1 millj­arð króna á öðrum árs­fjórð­ungi árs­ins 2019. Það er umtals­vert minni hagn­aður en á sama tíma­bili í fyrra þegar hann var 3,1 millj­arður króna. Á fyrstu sex mán­uðum árs­ins nemur hagn­aður bank­ans alls 3,1 millj­arði króna en var fimm millj­arðar króna á sama tíma­bili í fyrra. Þetta kemur fram í hálfs­árs­upp­gjöri Arion banka sem birt var í dag. 

Arð­semi eigin fjár Arion banka var áfram að vera slök á árs­fjórð­ungn­um, eða 4,3 pró­sent. Hún var 5,9 pró­sent á sama tíma­bili í fyrra en ein­ungis 2,1 pró­sent á fyrstu þremur mán­uðum árs­ins 2019. Helsta ástæðan fyrir slakri arð­semi er Valitor, dótt­ur­fé­lag bank­ans sem er til sölu, en arð­semi eigin frá væri 6,6 pró­sent ef Valitor er und­an­skil­ið.

Eigið fé bank­ans var 195 millj­arðar króna og eignir þess 1.233 millj­arðar króna í lok árs­fjórð­ungs­ins. Eig­in­fjár­hlut­fallið var því 22,8 pró­sent í lok júní.

Bene­dikt Gísla­son, banka­stjóri Arion banka, segir að afkoman á árs­fjórð­ungnum hafi ekki verið nógu góð. „Það er engu að síður jákvætt að grunn­starf­semi bank­ans þró­ast í rétta átt og hreinar vaxta­tekjur halda áfram að vaxa, hvort sem við miðum við fyrsta árs­fjórð­ung þessa árs eða annan árs­fjórð­ung síð­asta árs. Gæði lána­bókar bank­ans eru áfram góð en nokkuð hefur hægt á í efna­hags­lífi lands­ins og má sjá þess ann­ars vegar merki í sam­drætti lána­bókar og hins vegar í nið­ur­færslum lána. Sam­setn­ing lána­bók­ar­innar er jafn­framt að breyt­ast sem end­ur­speglar áherslu bank­ans á arð­semi umfram vöxt. Þókn­ana­tekjur eru áfram stöðugar og afkoma af trygg­inga­starf­semi Varð­ar, dótt­ur­fé­lags bank­ans, var góð á tíma­bil­inu. Kostn­aður í starf­semi bank­ans er að þró­ast með réttum hætti en eitt af verk­efnum okkar á næst­unni verður að gera enn betur í þeim efn­um.“

Hann segir að fyrir liggi að hefja vinnu við að móta áherslur í stefnu og starf­semi bank­ans til næstu ára svo bank­inn sé sem best í stakk búinn til að mæta þeim miklu breyt­ingum sem eru að eiga sér stað á fjár­mála­þjón­ustu. „Við munum horfa til ýmissa þátta í starf­semi bank­ans, t.a.m. eig­in­fjár­skip­an, gæða lána­safns og auk­innar áhættu­dreif­ingar sem og skil­virkni í starf­sem­inni, ekki síst í tengslum við aukið vægi staf­rænna lausna. Mark­miðið er að styrkja stöðu bank­ans enn frekar, auka arð­semi og tryggja að bank­inn verði áfram í far­ar­broddi þegar kemur að nútíma­legri fjár­mála­þjón­ust­u.“