Árið 2018 voru heild­ar­tekjur ein­stak­linga á Íslandi um 6,6 millj­ónir króna að með­al­tali eða að jafn­aði um 553 þús­und krónur á mán­uði. Þetta kemur fram í nýrri frétt Hag­stof­unn­ar.

Mið­gildi heild­ar­tekna var 441 þús­und króna á mán­uði og því var helm­ingur ein­stak­linga með heild­ar­tekjur undir þeirri upp­hæð og helm­ingur yfir. Atvinnu­tekjur voru um 505 þús­und krónur á mán­uði að með­al­tali sé horft til þeirra ein­stak­linga sem voru með atvinnu­tekjur árið 2018. Það er 5,5 pró­sent hækkun frá fyrra ári.

Tekjur ein­stak­linga byggja á skatt­fram­tölum ein­stak­linga frá 16 ára aldri. Atvinnu­tekjur inni­halda launa­tekjur og aðrar starfstengdar greiðslur en heild­ar­tekjur eru sam­tala atvinnu­tekna, fjár­magnstekna og ann­arra tekna sem til dæmis geta verið líf­eyr­is- eða bóta­greiðsl­ur.

Mið­gildi atvinnu­tekna var 447 þús­und krón­ur. Atvinnu­tekjur ein­stak­linga á aldr­inum 25 til 74 ára voru að með­al­tali 571 þús­und krónur á mán­uði árið 2018 og var eitt pró­sent ein­stak­linga á þeim aldri með að jafn­aði tæp­lega tvær millj­ónir króna eða meira í atvinnu­tekjur á mán­uði.

Lægstar heild­ar­tekjur í Akra­hreppi

Með­al­tal heild­ar­tekna árið 2018 var hæst 8,5 millj­ónir króna á Sel­tjarn­ar­nesi og 8,4 millj­ónir króna í Garða­bæ, en það voru einu sveit­ar­fé­lögin þar sem heild­ar­tekjur ein­stak­linga voru að með­al­tali yfir 8 millj­ónir króna.

Sé hins vegar horft til mið­gildis voru heild­ar­tekjur nokkuð lægri eða rúm­lega 6,2 millj­ónir króna í báðum sveit­ar­fé­lög­un­um. Heild­ar­tekjur í Bol­ung­ar­vík voru 7,6 millj­ónir króna að með­al­tali árið 2018, 7,3 millj­ónir króna í Kjósa­hreppi og 7,2 millj­ónir króna í Kópa­vogi. Í sjö sveit­ar­fé­lögum var með­al­tal heild­ar­tekna undir 5 millj­ónum króna árið 2018. Lægstar voru heild­ar­tekjur í Akra­hreppi 4,3 millj­ónir króna og 4,4 millj­ónir króna í Húna­vatns­hreppi.