Arion banki færði niður eignir um 2,1 milljarð

Arion banki hefur þurft að færa niður virði eigna vegna gjaldþrots WOW air og Primera air, sem bæði voru lántakar hjá bankanum og eru nú bæði gjaldþrota.

Höfuðstöðvar Arion banka í Borgartúni.
Höfuðstöðvar Arion banka í Borgartúni.
Auglýsing

Arion banki færði niður eignir um 2,1 millj­arð króna á fyrri helm­ingi árs­ins 2019. Sú nið­ur­færsla var, sam­kvæmt fjár­festa­kynn­ingu vegna nýjasta upp­gjörs bank­ans, aðal­lega vegna WOW air og Tra­velCo, félags sem hýsir leif­arnar af starf­semi Pri­mera Air, en bæði félög­in, sem voru í miklum við­skiptum við Arion banka, eru farin í þrot.

­Arion banki eign­að­ist öll hluta­bréf í Tra­velCo í júní síð­ast­liðn­um. Fyr­ir­tækið var stofnað í kjöl­far falls Pri­mera Air og rekur ferða­­skrif­­stofur á Íslandi, í Dan­­mörku, Sví­­þjóð, Nor­egi og Finn­land­i. Arion ætlar sér að reyna að selja það sem allra fyrst. Starf­­semi Tra­velCo á Íslandi hefur farið fram undir merkjum ferða­­skrif­­stof­anna Heims­­ferða og Terra Nova.

Í fjár­festa­kynn­ing­unni segir að þótt ferða­mönnum muni fækka um tæp­lega fimmt­ung frá síð­asta ári þá hafi eyðsla á hvern ferða­mann auk­ist umtals­vert frá gjald­þroti WOW air í lok mars. Bank­inn telur nýj­ustu tölur úr ferða­þjón­ust­unni afar jákvæðar fyrir geir­ann og efna­hags­kerfið í heild. ­Ís­lenskt efna­hags­líf sé vel í stakk búið til að takast á við þá lend­ingu sem þú á sér stað í ljósi þess að eign­ar­staða gagn­vart útlöndum er jákvæð og skulda­staða kerf­is­ins í heild er sögu­lega lá, jafn hjá opin­bera geir­anum og einka­geir­an­um. 

Arð­semi eig­in­fjár slök

Arion banki hagn­að­ist um 2,1 millj­­arð króna á öðrum árs­fjórð­ungi árs­ins 2019. Það er umtals­vert minni hagn­aður en á sama tíma­bili í fyrra þegar hann var 3,1 millj­­arður króna. Á fyrstu sex mán­uðum árs­ins nemur hagn­aður bank­ans alls 3,1 millj­­arði króna en var fimm millj­­arðar króna á sama tíma­bili í fyrra. Þetta kemur fram í hálf­s­ár­s­­upp­­­gjöri Arion banka sem birt var á fimmtu­dag. 

Auglýsing
Arð­semi eigin fjár Arion banka var áfram að vera slök á árs­fjórð­ungn­um, eða 4,3 pró­­sent. Hún var 5,9 pró­­sent á sama tíma­bili í fyrra en ein­ungis 2,1 pró­­sent á fyrstu þremur mán­uðum árs­ins 2019. Helsta ástæðan fyrir slakri arð­­semi er Valitor, dótt­­ur­­fé­lag bank­ans sem er til sölu, en arð­­semi eigin frá væri 6,6 pró­­sent ef Valitor er und­an­skil­ið. Tap Valitor á fyrstu sex mán­uðum árs­ins var 2,8 millj­arðar króna. 

Eigið fé bank­ans var 195 millj­­arðar króna og eignir þess 1.233 millj­­arðar króna í lok árs­fjórð­ungs­ins. Eig­in­fjár­­hlut­­fallið var því 22,8 pró­­sent í lok júní.

Mark­miðið tíu pró­sent arð­semi

Mark­mið Arion banka er að arð­semi eigin fjár verði tíu pró­sent. Til að ná því mark­miði hefur bank­inn verið að breyta fjár­mögnun sinni með umfangs­mik­illi útgáfu víkj­andi skulda­bréfa, lækkun hluta­fjár með end­ur­kaupum á bréfum hlut­hafa, útgreiðslu arðs, auk­inni áherslu á staf­ræna þjón­ustu og lækkun á rekstr­ar­kostn­aði, en mark­mið bank­ans er að kostn­að­ar­hlut­fall bank­ans verði undir 50 pró­sent í nán­ustu fram­tíð. Það er nú 54,2 pró­sent. 

Þá vill bank­inn selja ýmsar eign­ir. Á meðal þeirra eru Valitor, Stakks­berg, sem heldur á kís­il­verk­smiðju United Sil­icon í Helgu­vík, og áður­nefnt Tra­velCo. 

Bene­dikt Gísla­­son, banka­­stjóri Arion banka, sagði í til­kynn­ingu til Kaup­hallar að afkoman á árs­fjórð­ungnum hafi ekki verið nógu góð.



Sigmundur Davíð Gunnlaugsson, formaður Miðflokksins.
Leggur til að Bretland gerist tímabundið aðili að EES-samningnum
Formaður Miðflokksins og fyrrverandi forsætisráðherra telur að Bretar muni blómstra eftir útgöngu úr Evrópusambandinu.
Kjarninn 22. ágúst 2019
Vilja koma í veg fyrir að almannaheillafélög verði misnotuð
Nýr fræðslubæklingur hefur verið gefinn út sem beinist að því að fræða almannaheillafélög um góða stjórnarhætti til að koma í veg fyrir að starfsemi þeirra sé misnotuð.
Kjarninn 22. ágúst 2019
Raunlækkun á fasteignaverði síðustu 12 mánuði
Tólf mánaða hækkun vísitölu íbúðaverðs á höfuðborgarsvæðinu náði rúmlega átta ára lágmarki í júlí þegar hún mældist einungis 2,93 prósent. Á sama tíma mældist tólf mánaða verðbólga 3,1 prósent.
Kjarninn 22. ágúst 2019
Hreiðar Már Sigurðsson við meðferð CLN-málsins í héraði í sumar. Þar voru allir sakborningar sýknaðir.
CLN-málinu áfrýjað til Landsréttar
Hinu svokallaða CLN-máli gegn æðstu stjórnendum Kaupþings hefur verið áfrýjað til Landsréttar. Málið hefur flækst fram og til baka í dómskerfinu árum saman og búið er að greiða til baka hluta þeirra fjármuna sem taldir voru tapaðir.
Kjarninn 22. ágúst 2019
Þórdís Kolbrún verður ekki dómsmálaráðherra áfram
Formaður Sjálfstæðisflokksins mun ákveða hver tekur við dómsmálaráðuneytinu á næstu dögum og gera tillögu um það til þingflokks fyrir þingsetningu. Hann vill fá meira en 25 prósent fylgi í næstu kosningum.
Kjarninn 21. ágúst 2019
Skora á stjórnvöld að bjóða upp á grænkerafæði í skólum
Samtök grænkera á Íslandi skora á stjórnvöld að bjóða upp á grænkerafæði í skólum, sjúkrahúsum og öðrum opinberum stofnunum í ljósi loftslagsbreytinga.
Kjarninn 21. ágúst 2019
Hefnendurnir
Hefnendurnir
Hefnendurnir CLXXX - Bavíaninn sem át móður sína
Kjarninn 21. ágúst 2019
Jón Ólafsson, stofnandi Icelandic Glacial.
Átta milljarða fjármögnun Icelandic Glacial
Drykkjarvöruframleiðandinn Icelandic Glacial hefur lokið hlutafjáraukningu að fjárhæð tæplega 4 milljarða íslenskra króna. Jafnframt hefur fyrirtækið fengið tæplega 4,4 milljarða lán frá bandarískum skuldabréfasjóði.
Kjarninn 21. ágúst 2019
Meira úr sama flokkiInnlent