Heild­ar­kostn­aður utan­rík­is­ráðu­neyt­is­ins vegna aðkeyptrar ráð­gjafar og álita sem tengj­ast þriðja orku­pakk­anum nemur 16,1 milljón króna. Þar af nemur kostn­aður vegna inn­lendrar ráð­gjafar og álita rúm­lega 7,6 millj­ónum og erlends tæpum 8,5 millj­ónum króna. Þetta kemur fram í svari Guð­laugs Þórs Þórð­ar­sonar utan­rík­is­ráð­herra við fyr­ir­spurn frá Þor­steini Sæmunds­syni, þing­manni Mið­flokks­ins, um kostnað ráðu­neyt­is­ins vegna þriðja orku­pakk­ans.

Þar af voru 2,4 millj­ónir greiddar sam­kvæmt reikn­ingum á árinu 2018, en annað greitt sam­kvæmt reikn­ingum á þessu ári.

Greiðsl­urnar sund­ur­lið­ast vegna inn­lendrar ráð­gjafar og álita ­sem hér seg­ir: 

Leitað til eins erlends álits­gjafa

Heild­ar­kostn­aður ráðu­neyt­is­ins vegna aðkeyptrar erlendrar ráð­gjafar og álita sem tengj­ast þriðja orku­pakk­anum nemur alls 8.470.737 krón­um. Í svar­inu kemur fram að leitað hafi verið til eins erlends aðila, Dr. Carls Bauden­bacher, og nam reikn­ingur hans alls 61.249 evr­um, eða tæpum 8,4 millj­ónum króna.

Sam­kvæmt ráð­herr­anum hefur eng­inn kostn­aður fallið til á árinu vegna kynn­ingar á þriðja orku­pakk­an­um.