Flestir grein­endur eru á því að Seðla­banki Íslands muni halda áfram að lækka meg­in­vexti með vaxta­á­kvörðun sinni  á morg­un. Ásgeir Jóns­son seðla­banka­stjóri hefur form­lega tekið sæti í pen­inga­stefnu­nefnd og er í for­sæti hennar ásamt Rann­veigu Sig­urð­ar­dótt­ur, aðstoð­ar­seðla­banka­stjóra, Þór­arni G. Pét­urs­syni aðal­hag­fræð­ingi, Katrínu Ólafs­dóttur lektor og Gylfa Zoega pró­fess­or. 

Meg­in­vextir Seðla­banka Íslands eru nú 3,75 pró­sent en verð­bólga mælist 3,1 pró­sent. Vextir hafa farið lækk­andi að und­an­förnu, og er búist við því að lækk­unin á morgun verði 0,25 pró­sentu­stig eða jafn­vel 0,5 pró­sentu­stig. 

Í umfjöllun Lands­bank­ans um kom­andi vaxta­á­kvörðun segir að nokkur eft­ir­vænt­ing ríki um hvaða tón Ásgeir muni setja fram, í sinni stefnu, en eins og áður segir telja flestir að áfram­hald verði á lækkun vaxta, ekki síst til að vinna gegn kólnun í hag­kerf­inu í kjölfa falls WOW air og loðnu­brests. Í umfjöllun Lands­bank­ans kemur fram spá um 0,25 pró­sentu­stiga lækkun vaxta. „Næsti fundur verður fyrsti vaxta­á­kvörð­un­ar­fundur Ásgeirs Jóns­son­ar, nýs Seðla­banka­stjóra. Það verður athygl­is­vert að sjá hvort koma hans breyti ein­hverju í vaxta­á­kvörð­un­ar­ferli nefnd­ar­innar og hvort honum fylgi þá hert­ara eða laus­ara taum­hald en hjá Má Guð­munds­syni, fyrrum seðla­banka­stjóra. Ásgeir hefur þegar gefið í skyn í við­tölum að svig­rúm kunni að vera til frek­ari vaxta­lækk­ana,“ segir í umfjöllun Lands­bank­ans.  

Á morgun birt­ast einnig Pen­inga­mál Seðla­banka Íslands þar sem fram kemur upp­færð þjóð­hags­spá, en í síð­ustu spá var gert ráð fyrir að sam­dráttur yrði í lands­fram­leiðslu upp á 0,4 pró­sent, en sam­kvæmt bráða­birgða­tölum Hag­stofu Íslands var hag­vöxtur í fyrra 4,6 pró­sent.