Rekstur A-hluta borg­ar­inn­ar, sá hluti sem fjár­magn­aður er með skatt­tekj­um, var 665 millj­ónum undir áætlun á fyrri hluta árs. Hagn­aður var 1.653 millj­ónir króna en áætl­anir höfðu gert ráð fyrir að hann yrði 2.318 millj­ónir króna. Því var hagn­að­ur­inn tæp­lega 29 pró­sent undir áætl­un.

Rekstr­ar­nið­ur­staða fyrir fjár­magnsliði er enn lengra frá þeirri nið­ur­stöðu sem áætl­anir gerðu ráð fyr­ir. Hún var jákvæð um 1.811 millj­ónir króna en sam­kvæmt fyr­ir­liggj­andi fjár­hags­á­ætlun átti hún að vera 3.188 millj­ónir króna. Nið­ur­staðan var því 1.377 millj­ónum krónum lak­ari en áætl­unin gerði ráð fyr­ir. 

Þetta kemur fram í til­kynn­ingu frá Reykja­vík­ur­borg vegna upp­gjörs henn­ar. Þar segir að lak­ari rekstr­ar­nið­ur­staða skýrist einkum af lægri tekjum af sölu bygg­ing­ar­rétt­ar, lægri skatt­tekjum og hærri gjald­færslu líf­eyr­is­skuld­bind­inga en áætl­anir höfðu gert ráð fyr­ir. Skuldir A-hlut­ans uxu um 5,5 millj­arða króna á fyrstu sex mán­uðum árs­ins.

Þegar rekstur B-hluta sam­stæðu Reykja­vík­ur, en undir hann falla fjár­hags­lega sjálf­stæð fyr­ir­tæki í hálfu eða meiri­hluta eigu borg­ar­inn­ar, er tal­inn með þá batnar upp­gjörið umtals­vert og er jákvætt um 7,7 millj­arða króna. Það er tæp­lega 1,2 millj­arði króna yfir áætlun en ástæða þessa er einkum sú að mats­verð hús­næðis í eigu Félags­bú­staða hækk­aði umtals­vert á tíma­bil­inu, eða um 3,5 millj­arða króna. Það er fjár­magn sem borgin getur ekki losað nema að hún hefji sölu á félags­legu hús­næði í sinni eigu. Á und­an­förnum árum hefur borgin verið að auka við félags­legt hús­næði frekar en að selja slíkt. 

Borg­ar­stjórn­ar­flokkur Sjálf­stæð­is­flokks, stærsta stjórn­mála­flokks­ins í minni­hluta borg­ar­stjórn­ar, lagði til á fundi borg­ar­ráðs í morg­un, þar sem árs­hluta­reikn­ing­ur­inn var til afgreiðslum að fengnir yrðu óháðir mats­að­ilar til að meta eigna­safn Félags­bú­staða hf., en virði eigna félags­ins hefur hækkað um tæp­lega 51 millj­arð króna á nokkum árum.