Fjöl­miðla­mað­ur­inn Atli Fannar Bjarka­son hefur tekið við starfi verk­efna­stjóra sam­fé­lags­miðla og vef­miðl­unar á RÚV og hóf hann störf í dag. Frá þessu greindi hann í stöðu­upp­færslu á Face­book í morg­un.

Hann stofn­aði vef­mið­il­inn Nútím­ann fyrir um fimm árum síðan en fram kom í fréttum fyrir ári síðan að hann hefði selt mið­il­inn til eig­enda ske.is og hafið störf hjá Hugs­miðj­unni. Hann sagði við til­efnið að rekstr­ar­um­hverfið hefði verið erfitt en að hann hefði þó ekki þurft að leggja rekstr­inum til krónu.

Atli Fannar er ekki ókunn­ugur RÚV en hann hefur um nokk­urra ára skeið séð um innslög, sem kall­ast Fréttir vik­unn­ar, á föstu­dags­kvöldum í viku­legum þætti Gísla Mart­eins Bald­urs­son­ar.

„Það stóð ekki til að byrja í nýrri vinnu, ári eftir að ég hóf störf hjá Hugs­miðj­unni. Þar er ég búinn að skemmta mér kon­ung­lega og ég er stoltur af verk­efn­unum sem ég tók þátt í þar,“ skrifar Atli Fannar í dag.

Hann segir að í sumar hafi RÚV hins vegar aug­lýst starf sem tog­aði svo svaka­lega í hann að hann gat ekki sleppt því að sækja um. „Nokkrum hraust­legum við­tölum síð­ar, þar sem ég tal­aði mikið og hratt en fannst ég samt gleyma öllu, tek ég við starfi verk­efna­stjóra sam­fé­lags­miðla og vef­miðl­un­ar. Byrja í dag. Þetta verður gam­an.“