Stjórn Kviku hefur ákveðið að sam­eina alla eigna- og sjóða­stýr­ing­ar­starf­semi sam­stæð­unn­ar. Auk eigna­stýr­ingar Kviku á bank­inn rekstr­ar­fé­lögin GAMMA Capi­tal Mana­gement hf. og Júpíter rekstr­ar­fé­lag hf. 

Með sam­ein­ing­unni verður sam­einað dótt­ur­fé­lag Kviku stærsta eigna-og sjóða­stýr­ing­ar­fyr­ir­tæki lands­ins með 45 starfs­menn og heild­ar­eignir yfir 440 millj­arða króna í stýr­ing­u. 

Í til­kynn­ingu til Kaup­hallar kemur fram að Hannes Frí­mann Hrólfs­son, sem gegnt hefur starfi fram­kvæmda­stjóra eigna­stýr­ingar Kviku, verður fram­kvæmda­stjóri sam­ein­aðs félag og tekur strax við sem fram­kvæmda­stjóri Júpít­ers. Valdi­mar Ármann for­stjóri Gamma, félags sem Kvika keypti fyrir nokkru, mun láta af störfum að eigin ósk í nán­ustu fram­tíð. Ragnar Páll Dyer, sem stýrt hefur Júpít­er, mun í dag hefja störf sem fram­kvæmda­stjóri fjár­mála- og rekstr­ar­sviðs Kviku. 

Mar­inó Örn Tryggva­son, for­stjóri Kviku, segir að eigna- og sjóða­stýr­ing­ar­starf­semi Kviku hafi vaxið mikið á síð­ustu árum, bæði með ytri og innri vexti. „Um­hverfi fjár­mála­fyr­ir­tækja er að breyt­ast og ég tel að mik­il­vægi eigna- og sjóða­stýr­ing­ar­starf­semi auk­ist enn frek­ar. Eigna- og sjóða­stýr­ing er ein af meg­in­stoð­unum í rekstri bank­ans og ég tel að þessar breyt­ingar muni styrkja starf­sem­ina til frek­ari vaxt­ar. Mig langar sér­stak­lega til þess að þakka Valdi­mar for­stjóra GAMMA fyrir hans störf, en hann hefur leitt félagið far­sæl­lega í gegnum miklar breyt­ing­ar.“