„Viss lífsstíll að meta aðeins eigin störf merkileg og mikilvæg“

Formaður Eflingar gagnrýnir umræðu um há laun bæjarstjóra og veltir fyrir sér hugtökum á borð við ábyrgð og vinnusemi.

Sólveig Anna Jónsdóttir, formaður Eflingar.
Sólveig Anna Jónsdóttir, formaður Eflingar.
Auglýsing

Sól­veig Anna Jóns­dótt­ir, for­maður Efl­ing­ar, fjallar um laun bæj­ar­stjóra í leið­ara tíma­rits Efl­ingar sem kom út núna í byrjun sept­em­ber.

Þá tekur hún orð Aldísar Haf­steins­dótt­ur, for­manns Sam­bands íslenskra sveit­ar­fé­laga, fyrir en hún sagði í Viku­lok­unum á Rás 1 laug­ar­dag­inn 24. ágúst síð­ast­lið­inn – þegar umræðan barst að háum launum bæj­ar­stjóra og ann­arra sveit­ar­stjórn­enda – að það að vera bæj­ar­stjóri væri á vissan hátt lífs­stíll.

„Með þessum orðum vís­aði hún til ábyrgðar og þess tíma sem fer í að sinna starfs­skyld­um. Gunnar Ein­ars­son bæj­ar­stjóri Garða­bæj­ar, hæst laun­aði bæj­ar­stjóri lands­ins bauð upp á sams­konar mál­flutn­ing þegar hann sagði í við­tali við Rík­is­út­varpið að hann væri í vinn­unni 24 tíma á sól­ar­hring og bæri mikla ábyrgð,“ skrifar Sól­veig Anna.

Auglýsing

Verðum ekki lengur hissa á sjálfs­upp­hafn­ing­unni

For­maður Efl­ingar gefur ekki mikið fyrir þessar útskýr­ingar á háum launum bæj­ar­stjóra og segir að Íslend­ingar séu búin að heyra þessa plötu svo æði oft, um ábyrgð­ina og vinnu­sem­ina, að „við verðum ekki lengur hissa á sjálfs­upp­hafn­ing­unni og sjálfs­rétt­læt­ing­unn­i.“

Sól­veig Anna segir að í ljósi hug­taka eins og ábyrgðar og vinnu­semi sé jafn­framt áhuga­vert að velta fyrir sér ann­ars vegar því ábyrgð­ar­leysi sem fólkið innan vébanda Sam­bands íslenskra sveit­ar­fé­laga hafi leyft sér nú í sumar þegar það tók ákvörðun um að greiða ekki 105.000 krónur inn­á­greiðslu til félags­manna Efl­ingar og ann­arra félaga innan Starfs­greina­sam­bands­ins vegna kom­andi kjara­samn­inga, ætl­aða til þess að létta lág­launa fólki bið­ina eftir þeim launa­hækk­unum sem þegar hefur samist um á almenna mark­aðn­um, og hins vegar ábyrgð­ina sem lág­launa­stéttir sveit­ar­fé­lag­anna sann­ar­lega axli á hverjum ein­asta degi í störfum sín­um.

„Ábyrgð sem á end­anum er svo lít­ils metin að fólkið með völdin gefur ekk­ert fyrir hana, þrátt fyrir að þau viti auð­vitað að án allra þess­ara vinn­andi handa væru engin sveit­ar­fé­lög til að stjórna, engin ofur­laun til að skammta sjálfum sér. Ábyrgð sem allir íbúar sveit­ar­fé­lag­anna treysta á að sé tekin af þeim sem vinna vinn­una en er engu að síður aldrei nokkurn tím­ann metin að verð­leik­um.“

Áhuga­leysið fyr­ir­sjá­an­legt

Hún bendir á að á Íslandi búi nú 356.991 mann­eskja – sem sé fámennur hópur í ríku landi. „En þrátt fyrir þessar aug­ljósu stað­reynd­ir, fámennið og auð­inn, er önnur stað­reynd sú að nákvæm­lega eng­inn vilji er til staðar hjá yfir­stétt hins opin­bera til að deila gæð­unum af rétt­læti og með jöfnuð í huga. Þó að yfir­stétt hins opin­bera hafi öll tæki­færi til að hefja það verð­uga og nauð­syn­lega verk­efni að bæta kjör og vinnu­að­stæður lág­launa­fólks virð­ist eng­inn áhugi vera á því innan þeirra raða. Áhuga­leysið er þyngra en tárum taki en því miður jafn fyr­ir­sjá­an­legt og árlegt sjálfs­hólið um ábyrgð­ina og vinnu­sem­ina,“ skrifar hún.

Sól­veig Anna segir það vera vissan lífs­stíl að meta aðeins eigin störf merki­leg og mik­il­væg. Það sé viss lífs­stíll að láta hneykslun almenn­ings á fárán­legum launa­mun sem vind um eyru þjóta, viss lífs­stíll að bíða af sér gagn­rýn­ina ár hvert og halda svo áfram eins og ekk­ert hafi í skorist. Það sé viss lífs­stíll að gera ekk­ert til að vinna gegn mis­skipt­ingu, viss lífs­stíll að auka hana mark­visst.

„Ef að það er satt, að bæj­ar­stjórar sinni vinn­unni sinni 24 klukku­tíma á sól­ar­hring, er þá ekki hægt að ætl­ast til þess að þeir taki ein­hverja af þessu klukku­tímum og noti til þess að setja sig í spor lág­launa­fólks­ins sem af sam­visku­semi sinnir störfum sín­um, oft undir gríð­ar­legu álagi og við erf­iðar aðstæð­ur? Er ekki hægt að ætl­ast til þess að þeir sýni aðstæðum þeirra sem halda sveit­ar­fé­lög­unum gang­andi með vinnu sinni, ein­hvern skiln­ing? Er það á end­anum ekki sjálf­sögð og eðli­leg krafa að þeir, með alla sína ábyrgð, fari loks­ins líka að vinna fyrir fólkið sem vinnur vinn­una? Eða er það kannski lífs­stíll sem hentar ekki ofur­laun­uðum bæj­ar­stjórum Íslands?“ spyr hún að lok­um.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bankastjórar Arion banka kaupa hlutabréf fyrir 230 milljónir
Benedikt Gíslason bankastjóri og Ásgeir Helgi Reykfjörð aðstoðarbankastjóri keyptu hlutabréf í bankanum í dag.
Kjarninn 14. nóvember 2019
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Meira úr sama flokkiInnlent