Frjáls fjöl­miðlun ehf., sem gefur út DV, dv..is og tengda miðla, tap­aði 240 millj­ónum króna í fyrra. Þetta kemur fram í frétt á dv.­is.  

Þar er haft eftir Karli Garð­ars­syni, fram­kvæmda­stjóra félags­ins, að ráð­ist hafi verið í miklar aðhalds­að­gerðir í fyrra sem skili betri afkomu árið 2019. „Árið 2018 var fyrsta heila rekstr­arár félags­ins og það það tók tíma að ná tökum á rekstr­inum og grípa til nauð­syn­legra aðgerða.“ Rekstr­ar­tekjur sam­kvæmt frétt­inni voru 380 millj­ónir króna í fyrra. Rekstr­ar­kostn­aður hefur því verið um 600 millj­ónir króna, en tap félags­ins fyrir fjár­magnsliði, afskriftir og skatta var 214 millj­ónir króna.

Árs­reikn­ingi Frjálsrar fjöl­miðl­unar fyrir árið 2018 hefur ekki verið skilað til árs­reikn­inga­skrá­ar. 

Ekki upp­lýst hver láni

Frjáls fjöl­miðlun ehf. tap­aði 43,6 millj­­­­­ónum króna á þeim tæpu fjórum mán­uðum sem félagið var starf­andi á árinu 2017. Því hefur félagið tapað 283,6 millj­ónum króna frá því að það tók við DV og tengdum miðlum haustið 2017.

Eig­andi Frjálsrar fjöl­mið­l­unar er félagið Dals­dalur ehf. Eini skráði eig­andi þess er Sig­­­­­urður G. Guð­jóns­­­­­son lög­­­­­­­­­maður sem er einnig skráður fyr­ir­svar­s­­­­­maður Frjálsrar fjöl­mið­l­unar hjá Fjöl­miðla­­­­­nefnd.

Skuldir félags­­­­­ins, sem er ein stærsta einka­rekna fjöl­miðla­­­­­sam­­­­­steypa lands­ins, voru 542 millj­­­­­ónir króna í lok árs 2017. Þar mun­aði mest um 425 milljón króna skuld við eig­and­ann, Dals­­­­­dal ehf. 

Sú skuld, sem virð­ist vaxta­­­­­laus, átti að greið­­­­­ast til baka á árunum 2018 til 2022, 85 millj­­­­­ónir króna á ári. Ekki kom fram í árs­­­­­reikn­ingi Dals­dals ehf. fyrir árið 2017 hver lán­aði því félagi fjár­­­­­­­­­magn til að lána Frjálsri fjöl­miðlun en þar segir að Dals­dalur eigi að greiða þeim aðila alla upp­­­­­hæð­ina til baka árið 2018, það er í fyrra. Árs­reikn­ingur Dals­dals fyrir árið 2018 hefur ekki borist árs­reikn­inga­skrá.