Í yfir­lýs­ingu frá Efl­ingu stétt­ar­fé­lagi segir að áform stjórn­valda um að fjár­magna vega­fram­kvæmdir með veggjöld­um, ekki síst á höf­uð­borg­ar­svæð­inu, muni færa byrð­arnar af fjár­mögnun sam­göngu­fram­kvæmda yfir á lág­launa- og milli­tekju­fólk. 

Viðar Þor­steins­son, fram­kvæmda­stjóri Efl­ing­ar, segir í yfir­lýs­ingu að stjórn­völd á Íslandi ættu að horfa til reynsl­unnar í Frakk­landi. „Síð­asta vetur log­aði franskt sam­fé­lag vegna frá­leitra hug­mynda rík­is­stjórnar Emmanu­els Macron um skatt­heimtu á elds­neyti. Sú skatt­heimta hefði komið sér­stak­lega illa niður á þeim sem neyð­ast til að keyra lengri vega­lengdir milli vinnu og heim­il­is,“ segir Við­ar.

Eins og greint var frá í vik­unni, fyrst í fréttum RÚV, hyggj­ast stjórn­völd flýta sam­göngu­fram­kvæmdum með því að inn­heimta veggjöld á höf­uð­borg­ar­svæð­inu, og með því freista fjár­magna tug­millj­arða sam­göngu­fram­kvæmd­ir, þar á meðal borg­ar­línu.

Í yfir­lýs­ingu Efl­ingar segir að veggjöld komi illa við lág­launa­fólk, þar sem inn­heimtan er föst krónu­tala sem sé hlut­falls­lega hærri fyrir lág­launa­fólk en aðra.

Sól­veig Anna Jóns­dótt­ir, for­maður Efl­ing­ar, segir að veggjöld muni einnig vinna gegn hags­munum félags­manna Efl­ingar með víð­tæk­ari hætti. „Þetta er ömur­leg árás á lág­laun­fólk, fólk sem að til dæmis hefur þurft að flytj­ast í úthverfi borg­ar­innar eða jafn­vel lengra þar sem það hefur ekki efni á að búa mið­svæð­is, en þarf engu að síður að sækja vinnu í borg­ina. Við höfum líka miklar áhyggjur af því að skatta­lækk­unin sem okkur var lofað síð­asta vor verði ein­fald­lega höfð af fólk­inu okkar með þessu lúa­lega nýfrjáls­hyggju­bragði. Svo er auð­vitað líka áhuga­vert, ef svo má orða það, að einka­fyr­ir­tæki eiga að fá að græða á þessu öllu og munu fá að sjá um inn­heimt­una. En það er auð­vitað hin gamla saga og nýja; hin blönku verða blank­ari svo að hin ríku geti haldið áfram að græða,“ segir Sól­veig Anna.

Enn­fremur segir í til­kynn­ingu að félagið legg­ist alfarið gegn þessum hug­mynd­um. „Vega­gjalda­kerfið er því bæði óhag­kvæmt, dýrt og órétt­látt. Það hlífir hæstu tekju­hóp­unum og þeim sem aka á fyr­ir­tækja­bíl­um. Efl­ing telur rétt­lát­ara og skyn­sam­ara að fjár­magna bættar sam­göngur með því að skatt­leggja fjár­magnstekjur til jafns við skatt­lagn­ingu launa­tekna. Einnig mætti taka aftur upp auð­legð­ar­skatt og hækka auð­linda­gjöld, auk þess að skatt­leggja hæstu tekjur álíka mikið og tíðkast á hinum Norð­ur­lönd­un­um. Þá er nær­tækt að leggja komu­gjöld á erlent ferða­fólk til að greiða fyrir hið aukna álag á sam­göngu­kerfið sem ferða­þjón­ustan fær nú svo til gjald­frjálst afnot af. Þeir sem styðja vega­tolla hafa oft beinan hag af þeirri leið, bæði í að forð­ast skatt­heimtu á sjálfa sig og í von um að fá sneið af köku einka­væð­ing­ar. Efl­ing leggst alfarið gegn þessum hug­mynd­um.“