All­flest fyr­ir­tæki og stofn­anir á Íslandi hafa brugð­ist við #MeToo bylt­ing­unni með einum eða öðrum hætti, þó eflaust megi gera meira og bet­ur. 

Þetta er eitt af því sem fram kemur í grein eftir Dr. Katrínu Ólafs­dótt­ur, lektor við Háskól­ann í Reykja­vík, sem birt­ist í Vís­bend­ingu í gær, föstu­dag. 

Í grein­inni fjallar Katrín um svo­nefnda CRA­NET-­rann­sókn, þar sem rann­sakað var hvernig fyr­ir­tæki og stofn­anir hefðu brugð­ist við #MeToo bylt­ing­unn­i. 

Í CRA­NET-­rann­sókn­inni sem gerð var á haust­mán­uðum 2019 var meðal ann­ars spurt um við­brögð fyr­ir­tækja og stofn­ana við #metoo, að því er segir í grein­inn­i. 

Nið­ur­stöður rann­sókn­ar­innar birt­ust í skýrsl­unni Mannauðs­stjórnun á Íslandi í 15 ár: Cra­net rann­sóknin í 15 ár. CRA­NET-­rann­sóknin er hluti af alþjóð­legu sam­starfs­verk­efni og sam­starfs­neti CRA­NET (Cran­fi­eld Network on International Human Reso­urce Mana­gement) og taka yfir 50 háskólar í jafn­mörgum löndum þátt í verk­efn­inu. Rann­sóknin er gerð meðal mannauðs­stjóra og ann­arra for­svars­menn mannauðs­mála í fyr­ir­tækjum og stofn­unum með 70 eða fleiri starfs­menn. Á Íslandi eru 359 fyr­ir­tæki og stofn­anir af þess­ari stærð og tóku 125 þeirra þátt í rann­sókn­inn­i. 

Sam­kvæmt jafn­rétt­islögum (Lög nr. 10/2008) ber atvinnu­rek­endum og yfir­mönnun stofn­ana að gera sér­stakar ráð­staf­anir til að koma í veg fyrir að starfs­fólk verði fyrir ein­elti, kyn­bund­inni eða kyn­ferð­is­legri áreitni eða ofbeldi á vinnu­staðn­um. Einnig skal atvinnu­rek­andi bregð­ast við eins fljótt og kostur er þegar upp koma mál er varða ein­elti, kyn­ferð­is­lega eða kyn­bundna áreitni eða ofbeldi á vinnu­staðnum (Reglu­gerð nr. 1009/2015).

„Flest fyr­ir­tæki og stofn­anir hér á landi hafa brugð­ist við #metoo-­bylt­ing­unni með ein­hverjum hætti eins og sjá má á mynd 1. Algeng­ast er að fyr­ir­tæki og stofn­anir hafi mótað sér stefnu um að áreitni og ein­elti séu ekki lið­in, eða 80% þátt­tak­enda. Um 70% fyr­ir­tækja og stofn­ana svör­uðu því til að mark­visst sé tekið á málum sem koma upp í kjöl­far #metoo-­bylt­ing­ar­innar og 65% segj­ast leita aðstoðar hjá fag­fólki þegar mál koma upp. Ríf­lega helm­ingur svar­enda (56%) hefur gert könnun meðal starfs­manna og tæp­lega helm­ingur þeirra (48%) hefur haldið fræðslu­fundi eða nám­skeið um ein­elti, kyn­bundna og kyn­ferð­is­lega áreitn­i,“ segir í grein Katrín­ar. 

Þá segir enn fremur að þegar nið­ur­stöður rann­sókn­ar­innar eru greindar eftir teg­undum fyr­ir­tækja, þá virð­ist sem fyr­ir­tæki í frum­vinnslu séu lík­leg­ust til að hafa gripið til aðgerða. „Þrátt fyrir það eru þau lík­leg­ust til að hafa sett upp ný áminn­ing­ar- og við­bragðs­ferli (47%). Stofn­anir hins opin­bera eru lík­leg­astar til að hafa leitað aðstoðar eða ráð­gjafar fag­að­ila (79%) og haldið fræðslu­fundi um ein­elti og áreitni (58%). Aftur á móti eru opin­berar stofn­anir síst lík­legar til að hafa sagt upp starfs­fólki sem ekki bætir hegðun sína (15%). Fyr­ir­tæki í verslun og þjón­ustu eru lík­leg­ust til að hafa þróað nýja sam­skipta­stefnu (39%) og virkjað starfs­fólk í þeirri vinnu (26%).“

Hægt er að ger­ast áskrif­andi að Vís­bend­ingu hér.