Vísi­tala íbúða­verðs á höf­uð­borg­ar­svæð­inu var 629,2 stig í ágúst 2019  (jan­úar 1994=100) og hækkar um 0,6 pró­sent á milli mán­aða, sam­kvæmt nýjum tölum Þjóð­skrár.

Síð­ast­liðna þrjá mán­uði hækk­aði vísi­talan um 0,8 pró­sent, síð­ast­liðna 6 mán­uði hækk­aði hún um 2 pró­sent og síð­ast­liðna 12 mán­uði hækk­aði hún um 3,6 pró­sent. 

Sé tekið til­lit til verð­bólgu, sem nú mælist 3,2 pró­sent, þá mælist raun­verðs­hækkun 0,4 pró­sent á ári. 

Vísi­tala íbúða­verðs á höf­uð­borg­ar­svæð­inu sýnir breyt­ingar á vegnu með­al­tali fer­metra­verðs.

Íbúð­ar­hús­næði er skipt í flokka eftir stærð og hvort það telst fjöl­býli eða sér­býli. Reiknað er með­al­fer­metra­verð fyrir 9 flokka íbúð­ar­hús­næð­is. Nið­ur­staðan er vegin með hlut­deild við­kom­andi flokks í heild­ar­verð­mæti á mark­aði miðað við und­an­gengna 24 mán­uði.

Óhætt er að segja að það hafi breyst nokkuð horfur á fast­eigna­mark­aði að und­an­förnu. Fast­eigna­verðs­hækkun á ári mæld­ist 23,5 pró­sent vorið 2017, en síðan hefur veru­lega kólnað á mark­aðn­um, og mælist raun­verðs­hækkun nú lítil sem eng­in. Spár gera ráð fyrir að fast­eigna­verð muni ekki hækka mikið á næstu miss­erum, en verð þó ein­hver, á bil­inu 2 til 3 pró­sent, á næstu árum.