Útgáfu­fé­lagið Stundin ehf. skil­aði rúm­lega 10 millj­óna króna afgangi af rekstri sínum í fyrra. Afkoma félags­ins er fjórum millj­ónum króna jákvæð­ari en á árinu 2017. Þá hefur ný stjórn Stund­ar­innar verið kjörin og er Elín G. Ragn­ars­dóttir nýr stjórn­ar­for­mað­ur­. Þetta kemur fram í frétta­til­kynn­ingu frá Stund­inn­i. 

Afkoma árs­ins í sam­ræmi við mark­mið Stund­ar­inn­ar 

Stundin er í dreifðu eign­ar­haldi og eru stærstu eig­endur rit­stjór­arnir Ingi­björg Dögg Kjart­ans­dóttir og Jón Trausti Reyn­is­son, vef­hönn­uð­ur­inn Jón Ingi Stef­áns­son, sölu­stjór­inn Heiða B. Heið­ars­dótt­ir, fyrr­ver­andi rit­stjór­inn Reynir Trausta­son og svo Snæ­björn Björns­son Birnir og Hösk­uldur Hösk­ulds­son, með rúm­lega 12 pró­senta hlut hvert.

Í skýrslu stjórnar kemur fram að afkoma árs­ins 2018 sé í sam­ræmi við mark­mið Stund­ar­innar um að forð­ast halla­rekstur og skuld­setn­ingu til að við­halda ­sjálf­stæð­i ­rit­stjórn­ar. Stundin skil­aði rúm­lega 10 millj­óna króna rekstr­ar­af­gangi en tekið er fram í frétta­til­kynn­ing­unni að í árs­reikn­ing­unum fyrir síð­asta ár eru fyr­ir­varar um ó­upp­gerð dóms­mál sem höfðuð hafa verið gegn Stund­inni og starfs­mönnum henn­ar. Þar á meðal er lög­banns­mál Glitn­is HoldCo ­gegn Stund­inni, sem Stundin vann á yfir­stand­andi fjár­hags­ári.

Meiri­hlut­i ­tekna ­Stund­ar­inn­ar eru til­komnar vegna áskrifta. „Við erum þakk­lát fyrir að stærsti hluti rekstr­ar­tekna Stund­ar­innar spretti frá almennum borg­urum sem hafa kosið að ger­ast áskrif­end­ur. Þetta tryggir að rekstr­ar­legir hags­munir Stund­ar­innar eru sem mest í sam­hengi við hags­muni almenn­ings,“ segir Jón Trausti Reyn­is­son, fram­kvæmda­stjóri Útgáfu­fé­lags­ins Stund­ar­inn­ar. 

Elín G. Ragn­ars­dóttir nýr stjórn­ar­for­maður

Ný stjórn hefur tekið við taumunum á Stund­inni. Í frá­far­andi stjórn sátu Heiða B. Heið­ars­dótt­ir, Jón Ingi Stef­áns­son og Reynir Trausta­son. Ný stjórn er skipuð tveimur af eig­end­um, sem þó eru ekki starfs­menn félags­ins, og svo óháðum stjórn­ar­for­manni en við stjórn­ar­kjörið var litið til þess að styrkja form­legt aðhalds­hlut­verk stjórn­ar­innar gagn­vart starfs­mönnum sem jafn­framt eru eig­end­ur.

Nýr stjórn­ar­for­maður Stund­ar­innar er Elín G. Ragn­ars­dóttir en hún hefur meðal ann­ars rekið bóka­út­gáfu og stýrt fjöl­miðla­fyr­ir­tæki. Stjórn­ar­mað­ur­inn Hösk­uldur Hösk­ulds­son hefur á und­an­förnum árum rekið inn­flutn­ings­fyr­ir­tæki í heil­brigð­i. ­Stjórn­ar­mað­ur­inn Egill Sig­urð­ar­son er stærð­fræð­ingur og for­rit­ari, búsettur í London, mennt­aður frá Háskól­anum í Reykja­vík og Oxfor­d-há­skóla.