Seðla­banki Banda­ríkj­anna ákvað í dag að lækka stýri­vaxta­stig í 1,75 til 2 pró­sent, úr 2,25 til 2 pró­sent, en vaxta­lækk­unin var rök­studd með því að óvissa væri nú þó nokk­ur, meðal ann­ars vegna áhrifa tolla­stríðs á heims­bú­skap­inn. 

Vaxta­á­kvarð­anir Seðla­banka Banda­ríkj­anna eru áhrifa­mestu vaxta­á­kvarð­anir heims­ins á fjár­mála­mörk­uð­um, en yfir 60 pró­sent af gjald­eyr­is­forða heims­ins er í Banda­ríkja­dal. Þetta er önnur vaxta­lækk­unin í röð, á vaxta­á­kvörð­un­ar­degi, en þar á undan hafði Seðla­bank­inn ekki lækkað vexti í ára­tug, en vöxtum var haldið við núllið í átta ár, í kjöl­far fjár­málakrepp­unnar 2007 til 2009.

Jer­ome Powell, seðla­banka­stjóri Banda­ríkj­anna, til­kynnti um ákvörð­un­ina, og nefndi sér­stak­lega þætti sem snéru að óvissu í heims­bú­skapn­um, sem hefðu áhrif á það að ákveðið var lækka vext­i. 

Don­ald Trump, Banda­ríkja­for­seti, hefur þegar tjáð sig og segir að seðla­bank­ann skorti hug­rekki, og að Powell sé „hræði­leg­ur” þegar kemur að því að lesa í efna­hags­mál­in. Hann vildi fá meiri lækkun vaxta.

Und­an­far­inn mánuð hefur Trump verið opin­skár með þá skoð­un, að Seðla­banki Banda­ríkj­anna sé ekki að haga sér eins og hann eigi að gera, sem er að lækka vexti miklu meira, helst alveg niður í núll. 

Powell sagði að þrátt fyrir óvissu, meðal ann­ars vegna nei­kvæðra áhrifa toll­stríðs Banda­ríkj­anna og Kína á heims­bú­skap­inn, þá væri staðan á vinnu­mark­aði í Banda­ríkj­unum góð og atvinnu­leysi hefði ekki verið að aukast.