„Það er ljótur leikur hjá stjórn­völdum að senda hina sýkn­uðu í enn eina óvissu­ferð­ina inn í dóms­kerfið til að leita réttar síns. Þvert á gefin lof­orð.“

Þetta segir Þor­gerður Katrín Gunn­ars­dótt­ir, for­maður Við­reisn­ar, en hún hefur gagn­rýnt stjórn­völd harð­lega í dag - þar á með Katrínu Jak­obs­dóttur for­sæt­is­ráð­herra - fyrir að taka ekki með öðrum hætti á Geir­mund­ar- og Geir­finns­mál­in­u. 

Eins og greint var frá í dag, í Frétta­blað­inu, þá telur rík­is­lög­maður að Guð­jón Skarp­héð­ins­son, einn þeirra sem sem sýkn­aðir voru í Guð­mund­ar- og Geir­finns­mál­inu, ekki eiga rétt á bót­um. Er það meðal ann­ars rök­stutt með því að hann hafi sjálfur átt sök á því að hann var rang­lega dæmd­ur. Guð­jón stefndi rík­inu í júní á þessu ári og krafð­ist 1,3 millj­arða króna bóta en sátta­við­ræður höfðu þá siglt í strand. Guð­jón, líkt og aðrir sem áður voru sak­felld­ir, hefur barist fyrir rétt­látri máls­ferð, ára­tugum sam­an. 

Guð­jón var hand­tek­inn 12. nóv­em­ber 1976 og lauk afplánun 12. októ­ber 1981. Hann var því sviptur frelsi sínu í tæp 5 ár.

Þor­gerður Katrín segir á Face­book síðu sinni að „hróp­andi ósam­ræmi“ sé á milli þess sem kemur fram í grein­ar­gerð rík­is­lög­manns og síðan vilja hennar sem for­sæt­is­ráð­herra.

„Katrín er ein reynslu­mesta stjórn­mála­kona lands­ins og situr nú í for­sæti í rík­is­stjórn. Rík­is­stjórn sem virð­ist hins vegar ekki standa fyrir neitt nema halda völd­um. Hún getur gert miklu betur og á með réttu að vera í stöðu til að stýra þannig að það fari ekki á milli mála hver hennar áherslu­mál, hug­sjónir og stefna eru. En í hverju mál­inu á eftir öðru veldur hún flokki sínum von­brigðum og ýtir undir til­finn­ingu hjá öðrum að það eina sem skipti máli sé að halda völdum sama hvað. Það er eins og mála­miðlun stjórn­ar­flokk­anna hafi ýtt hug­mynd­um, hug­sjónum og fólki til hlið­ar.

For­sæt­is­ráð­herra seg­ist nú, líkt og áður, ætla að finna lausn í Guð­mund­ar- og Geir­finns­málum sem aðilar geti verið sáttir við sem er í hróp­legu ósam­ræmi við hljóðið í grein­ar­gerð rík­is­ins.

Sak­born­ingar í Guð­mund­ar- og Geir­finns­mál­inu og fjöl­skyldur þeirra hafa þurft að þola nóg. Það eina sem er sorg­legra en að þau hafi verið rænd lífs­við­ur­væri sínu og ærunni er að þau þurfi enn að standa í bar­áttu við kerf­ið. Eftir allt sem á undan er geng­ið.

Þegar uppi er staðið er þetta spurn­ing um prinsipp. Hvort rík­is­stjórn Katrínar Jak­obs­dóttur sé til­búin til að rétta rang­lætið og standa við gefin lof­orð eða hvort hún ætli sér að draga lapp­irnar og við­halda ofbeldi rík­is­ins í garð sak­born­ing­anna,“ segir Þor­gerður Katrín.