Kristín Þor­steins­dótt­ir, sem starfað hefur sem aðal­rit­stjóri og útgef­andi Frétta­blaðs­ins og tengdra miðla und­an­farin ár, hefur látið af störfum hjá miðl­in­um. 

Starfs­mönnum var greint frá þessu í tölvu­pósti frá Ingi­björgu Stef­aníu Pálma­dótt­ur, stjórn­ar­for­manni Torgs, útgef­anda Frétta­blaðs­ins, í dag. Þar segir að eftir „ein­földun á starf­semi félags­ins við sölu á eignum til Sýn­ar, þá hefur starf útgef­anda með því sniði sem var þegar frétta­stofa var mun stærri ein­fald­ast. Starf útgef­anda hefur því verið lagt niður í núver­andi mynd og fær­ast allir rekstr­ar­þættir starfs­ins til fram­kvæmda­stjóra félags­ins Jóhönnu Helgu Við­ars­dótt­ur. Stjórn­ar­for­maður Torgs tekur við öðrum þáttum sem til­heyra starfi útgef­anda.“

Kristín tjáir sig um starfs­lokin í stöðu­upp­færslu á Face­book þar sem hún seg­ist hafa unnið sinn síð­asta vinnu­dag, og skrifað sinn síð­asta leið­ara í Frétta­blað­ið. Ný stjórn hafi tekið við með nýju fólki og nýjum áhersl­u­m. 

„Í rúm 5 ár, lengur en nokkur ann­ar, stjórn­aði ég frétta­stofu 365 sem aðal­rit­stjóri og útgef­andi - þá stærstu frétta­stofu lands­ins - og svo Frétta­blað­inu eftir að fyr­ir­tæk­inu var skipt upp, síð­ustu mán­uði hef ég verið útgef­andi. Þar áður sat ég í stjórn 365. Flestar kenni­tölur miðl­anna, sem ég stjórn­aði vitna um góðan árang­ur. Fréttir Stöðvar 2 náðu að velgja keppi­nautnum undir uggum - oft vorum við með meira áhorf en RUV, vis­ir.is komst í fyrsta skipti yfir mbl.is undir minni stjórn, við gerðum frá­bæra hluti með nýjum áherslum og útliti Frétta­blaðs­ins. Við breyttum skipu­riti frétta­stof­unnar og gerðum hlut kvenna meiri en nokkru sinni. Um tíma voru flestir yfir­menn konur og stundum voru vakt­irnar ein­göngu skip­aðar kon­um.

Þetta voru dýrð­legir dag­ar.

Auð­vitað skipt­ust á skin og skúr­ir. Við þurftum að velta hverri ein­ustu krónu, enda höfðum við úr miklu minni pen­ingum að spila en keppi­naut­arn­ir. Reglu­lega var farið í sparn­að­ar­að­gerð­ir. Lífið var ekki alltaf auð­velt.

En ekk­ert af þessu hefði tek­ist án ykk­ar. Ég var svo heppin að hafa frá­bært starfs­fólk mér við hlið, fólk sem hefur verið til­búið að leggja meira á sig, en hægt hefur verið að ætl­ast til. Fyrir það vil ég þakka ykkur af öllu hjarta.

En nú skilur leið­ir. Allt tekur enda. Von­andi tekur eitt­hvað nýtt og skemmti­legt við. Nóg er starfs­ork­an.“

Ólöf Skafta­dótt­ir, dóttir Krist­ín­ar, er annar rit­stjóri Frétta­blaðs­ins. Davíð Stef­áns­son var ráð­inn við hlið hennar í lok maí síð­ast­lið­ins en nokkrum dögum eftir þá ráðn­ingu var greint frá því að fjár­festir­inn Helgi Magn­ús­son hefði keypt helm­ings­hlut í útgáfu­fé­lagi Frétta­blaðs­ins af Ingi­björgu, sem á enn hinn helm­ing­inn. Þau tvo, eig­end­urn­ir, sitja saman í stjórn Torgs.