Eftir árlegt mat Fjár­mála­eft­ir­lits­ins (FME) á áhættu­þætti í starf­semi Arion banka mun bank­inn þurfa að við­halda hærri við­bót­ar­eig­in­fjár­kröfu en fyrra mat eft­ir­lits­ins gerði ráð fyr­ir. 

Þetta kemur fram í til­kynn­ingu Arion banka til kaup­hall­ar­innar. 

„Fjár­mála­eft­ir­litið (FME) leggur árlega mat á áhættu­þætti í starf­semi kerf­is­lega mik­il­vægra fjár­mála­fyr­ir­tækja í könn­un­ar- og mats­ferli (e. Supervis­ory Review and Evalu­ation Process, SREP). Ferlið felur m.a. í sér mat á eig­in­fjár­þörf fjár­mála­fyr­ir­tækja sem leiðir af sér við­bót­ar­eig­in­fjár­kröfu undir Stoð II (e. Pillar II).

Nið­ur­staða þessa árlega ferlis fyrir Arion banka liggur nú fyr­ir. Bank­inn skal við­halda við­bót­ar­eig­in­fjár­kröfu sem nemur 3,1% af áhættu­grunni, sem er hækkun um 0,2 pró­sentu­stig frá fyrra mati. Heild­ar­eig­in­fjár­krafa bank­ans, að teknu til­liti til eig­in­fjár­auka, hækkar við það úr 19,8% í 20,0%.

Hækkun sveiflu­jöfn­un­ar­auka skv. ákvörðun FME í febr­úar 2019 mun taka gildi fyrir íslenskar fjár­mála­stofn­anir í febr­úar 2020 og við það hækkar eig­in­fjár­krafan í 20,3% að öðru óbreytt­u,“ segir í til­kynn­ingu Arion banka. 

Eigið fé Arion banka var 195,3 millj­arðar króna um mitt þetta ár. Heild­ar­eignir voru 1.233,4 millj­arðar króna og skuldir 1.038 millj­arð­ar.

Eins og greint hefur verið frá, hefur bank­inn, undir stjórn Bene­dikts Gísla­sonar banka­stjóra, gripið til umfangs­mik­illa skipu­lags­breyt­ingar til að styrkja rekstr­ar­grunn bank­ans. Fyrir mán­að­ar­mót var 100 starfs­mönnum sagt upp störf­um, þar af 80 í höf­uð­stöðvum og 20 í úti­bú­um. Þá sagði dótt­ur­fé­lag bank­ans, Valitor, upp 12 starfs­mönnum á sama tíma. 

Skipu­lags­breyt­ing­arnar hafa það að mark­miði, að ná kostn­að­ar­hlut­falli, það er hlut­falli rekstr­ar­kostn­aðar af tekj­um, niður í 50 pró­sent og arð­semi eigin fjár bank­ans í 10 pró­sent. 

Mark­aðsvirði bank­ans lækk­aði um 2,2 pró­sent í dag og er það nú um 144 millj­arðar krón­ar.