Starfs­maður emb­ættis for­seta Íslands var sendur í leyfi og fékk skrif­lega áminn­ingu frá for­seta­rit­ara vegna athæfis sem hann sýndi af sér í vinnu- og náms­ferð starfs­manna emb­ætt­is­ins til Par­ísar 13.-16. sept­em­ber síð­ast­lið­inn. Starfs­mann­inum hefur hins vegar verið leyft að snúa aftur til starfa eftir að beðið hlut­að­eig­andi afsök­unar og leitað sér sér­fræði­að­stoð­ar. 

Í yfir­lýs­ingu frá Guðna Th. Jóhann­essyni, for­seta Íslands, seg­ir: „Í ferð­inni varð einn starfs­maður emb­ætt­is­ins sekur um óþol­andi athæfi gagn­vart tveimur í ferða­hópn­um, kyn­ferð­is­lega áreitni í opnu rými og annað hátta­lag sem aldrei verður fall­ist á að afsaka megi á nokkurn hátt. Eftir heim­komu greip emb­ættið til við­eig­andi aðgerða, meðal ann­ars með hlið­sjón af stefnu og áætlun Stjórn­ar­ráðs­ins gegn ein­elti, kyn­ferð­is­legri áreitni, kyn­bund­inni áreitni, ofbeldi og annarri ótil­hlýði­legri hátt­semi. Um leið og ég varð áskynja um það ólíð­andi athæfi sem við­haft var afl­aði ég mér allra mögu­legra upp­lýs­inga, meðal ann­ars með við­tölum við alla þá sem málið varð­aði. Starfs­mað­ur­inn fór í leyfi og for­seta­rit­ari veitti honum skrif­lega áminn­ing­u.“

Í yfir­lýs­ingu Guðna segir enn fremur að ­starfs­mann­inum hafi auk þess verið gert ljóst að ekki yrði látið þar við sitja. „Í fram­hald­inu hef­ur við­kom­andi starfs­maður beðið hlut­að­eig­andi afsök­unar og leitað sér­ ­sér­fræði­að­stoð­ar. Þeir aðilar sem brotið var gegn ‒ ágætt sam­starfs­fólk mitt ‒ hafa í öllu ferl­inu verið upp­lýstir um stöðu og þróun mála og hafa fall­ist á þær á­kvarð­anir sem teknar hafa ver­ið, án þess auð­vitað að þurfa að bera að nokkru ­leyti ábyrgð á brotum sem þeir þurftu að þola. Form­legu ferli máls­ins er þannig lokið með sam­þykki allra þeirra aðila sem málið varðar og starfs­manni var heim­ilað að snúa aftur til starfa að upp­fylltum til­teknum skil­yrð­u­m.“

Til­efni yfir­lýs­ingar for­set­ans er frétt sem birt­ist á vef Frétta­blaðs­ins fyrr í dag þar sem greint var frá því að tvær kvart­anir hefðu borist til emb­ættis for­seta Íslands vegna ámæl­is­verðrar hegð­unar starfs­mann skrif­stofu hans gegn sam­starfs­kon­um. Þar sagði að annað atvikið hefði átt sér stað í París en hitt hér á land­i. 

Örn­ólfur Thors­son for­seta­rit­ari vill ekki tjá sig meira um málið í sam­tali við Kjarn­ann. „Yf­ir­lýs­ing for­set­ans er það sem við höfum að segja um mál­ið,“ segir hann.