John Kerry, fyrr­ver­andi utan­rík­is­ráð­herra Banda­ríkj­anna og áhrifa­maður í banda­rískum stjórn­málum í ára­tugi, seg­ist ekki sam­mála því mati Rick Perry, orku­mála­ráð­herra Banda­ríkj­anna, að það eigi að nýta jarð­ga­sauð­lindir á norð­ur­slóð­u­m. 

Kerry, sem hlaut heið­ursverð­laun Arctic Circle ráð­stefn­unnar fyrir bar­áttu sína í umhverf­is­mál­um, segir að það sé betra að ýta undir tækni­lausnir sem auð­veldi orku­skipt­i. „­Nei, við ættum að leita að fleiri lausnum, sjálf­bærum og end­ur­nýj­an­legum auð­lindum og hvetja til þess að tækni­lausnir finn­ist sem ekki feli í sér jarð­efna­elds­neyt­i.  Gas er skárri en olía en jarð­efna­elds­neyti engu að síður og meng­ar. Gas er 87 pró­sent metan og metan er 20 sinnum hættu­legra en koltví­sýr­ing­ur,“ sagði Kerry í við­tali við RÚV.

Kerry átti fund með Guðna Th. Jóhann­essyni, for­seta Íslands, og sagði fund þeirra hafa verið sér­stak­lega ánægju­leg­an. Margt hafi borið á góma, og þar á meðal alþjóð­leg bar­átta gegn mengun af manna­völd­um, og hvernig þjóðir heims­ins geti lagt lið í því efni. Hann sagð­ist stoltur af því að hafa fengið verð­launin á ráð­stefn­unni frá þjóð sem hefði sett sjálf­bærni á odd­inn og væri þannig að leiða með góðu for­dæmi á alþjóða­vísu.