„Banka­sýsla rík­is­ins sem umsýslu­að­ili eign­ar­hluta íslenska rík­is­ins í fjár­mála­fyr­ir­tækjum fagnar því fram­komnu frum­varpi og telur að það muni vera til hags­bóta fyrir fjár­mála­mark­að­inn, fyrir neyt­endur sem og íslenska ríkið sem eig­andi að eign­ar­hlutum í fjár­mála­fyr­ir­tækj­u­m.“

Þetta kemur fram í umsögn Banka­sýslu rík­is­ins um frum­varp til laga um lækkun á sér­stökum skatti á fjár­mála­fyr­ir­tæki. 

Sam­kvæmt frum­varp­inu lækkar sér­stakur skattur á fjár­mála­fyr­ir­tæki úr 0,376 pró­sent af skuldum niður 0,145 pró­sent á fjórum árum.

Í umsögn­inni, sem birt­ist á vef Alþingis í dag, kemur fram að það sé til bóta fyrir fjár­mála­mark­að­inn á Íslandi að halda reglu­verki stöð­ugu. Þetta sé hags­muna­mál fyrir Banka­sýsl­una, ekki síst þegar kemur að sölu á eign­ar­hlutum rík­is­ins í bönk­un­um. 

Banka­sýsla rík­is­ins er umsýslu­að­ili 98,2 pró­sent alls hluta­fjár í Lands­bank­anum hf., 100 pró­sent hluta­fjár í íslands­banka hf. og 49,5 pró­sent hluta­fjár í Spari­sjóði Aust­ur­lands hf. fyrir hönd íslenska rík­is­ins.

„Skv. lögum nr. 155/2012 um sölu­með­ferð eign­ar­hluta rík­is­ins í fjár­mála­fyr­ir­tækjum skal stofn­unin ann­ast sölu­með­ferð eign­ar­hluta fyrir hönd rík­is­ins, í sam­ræmi við ákvörðun ráð­herra að við­höfðu sam­ráði við tvær fasta­nefndir Alþingis og Seðla­banka íslands. Banka­sýsla rík­is­ins und­ir­býr sölu, leitar til­boða í eign­ar­hlut, metur til­boð, hefur umsjón með samn­inga­við­ræðum við utan­að­kom­andi ráð­gjafa og vænt­an­lega kaup­endur og ann­ast samn­inga­gerð. Meg­in­reglur skv. lög­unum við sölu­með­ferð eru opið sölu­ferli, gagn­sæi, hlut­lægni og hag­kvæmni en með hag­kvæmni er átt við að leitað sé hæsta verðs eða mark­aðs­verðs fyrir eign­ar­hluti. Að mati stofn­un­ar­innar er það mjög mik­il­vægt, út frá sjón­ar­miðum umsýslu- og eig­anda­hlut­verks­ins, að opin­bert gjalda­um­hverfi fjár­mála­fyr­ir­tækja sé stöðugt og fyr­ir­sjá­an­legt um tölu­verðan tíma. Miklar og örar breyt­ingar á skattaum­hverfi stuðla ekki að trausti og trú­verð­ugleika fjár­mála­mark­að­ar­ins og geta haft nei­kvæð áhrif á eft­ir­spurn og mark­aðs­verð, sem íslenska ríkið getur mögu­lega fengið fyrir eign­ar­hluti sína í fjár­mála­fyr­ir­tækj­um, ef og þegar til sölu kem­ur,“ seg­ir  í umsögn Banka­sýsl­unn­ar. 

For­stjóri Banka­sýslu rík­is­ins er Jón Gunnar Jóns­son, en stjórn­ar­for­maður Lárus Blön­dal.