Leka- og raka­vanda­mál eru mun algeng­ari hér á landi en í öðrum löndum innan Evr­ópu­sam­bands­ins. Hlut­fall þeirra sem telja sig búa við slíkan vanda hér á landi er 19 pró­sent sem er þrefalt hærra hlut­fall en í Nor­egi. Þetta kemur fram í skýrslu Ís­lands­banka um íbúða­mark­að­inn. 

Pláss­leysi ekki mikið vanda­mál

Mikil umræða hefur verið um heilsu­spill­andi áhrif raka­skemmda hér á landi á síð­ustu árum. Í nýrri skýrslu Íslands­banka kemur fram að hlut­fall þeirra sem búa við leka- og/eða raka­vanda­mál hér á landi er ansi hátt eða alls um fimmt­ungur lands­manna. Það er rúm­lega þrisvar sinnum fleiri en í Nor­egi en að með­al­tali telja 13 pró­sent íbúa sig búa við þennan vanda innan Evrópusambandsins.

Erfitt er að segja til um orsakir þessa en sam­kvæmt Íslands­banka hlýtur athyglin að bein­ast meðal ann­ar­s að veðr­áttu, við­haldi og gæðum hús­bygg­inga hér á landi almennt.

Aftur á móti virð­ist pláss­leysi ekki vera umfangs­mikið vanda­mál hér­lendis í alþjóð­legu sam­hengi, sam­kvæmt skýrslu Íslands­banka. Alls telja um 7 pró­sent Íslend­inga sig búa við pláss­leysi. 

Það er svipað hlut­fall og í Nor­egi og Finn­landi en nokkuð lægra en í Dan­mörku þar sem 9 pró­sent telja sig búa við pláss­leysi og um helm­ingi lægra en í Sví­þjóð. Þá nemur hlut­fallið að með­al­tali 15 pró­sentum hjá aðild­ar­ríkjum ESB .