Brim kaupir tvö sjávarútvegsfyrirtæki

Brim hf. hefur gert samning um kaup á tveimur sjávarútvegsfyrirtækjum en samanlagt kaupverð er 3,1 milljarður króna.

Guðmundur Kristjánsson, forstjóri Brims.
Guðmundur Kristjánsson, forstjóri Brims.
Auglýsing

Brim hf. hefur gert samning um kaup á tveimur sjávarútvegsfyrirtækjum, Fiskvinnslunni Kambur hf. sem rekur útgerð og fiskvinnslu í Hafnarfirði og útgerðarfélaginu Grábrók ehf. sem einnig gerir út frá Hafnarfirði. Samanlagt kaupverð er 3,1 milljarður króna.

Þetta kemur fram í tilkynningu frá fyrirtækinu til Kauphallarinnar.

Þá segir jafnframt að fiskvinnslan Kambur geri út krókabátinn Kristján HF 100 sem hafi verið smíðaður í Trefjum hf. í Hafnarfirði á síðasta ári og sé búinn öllum nýjasta tækjabúnaði til veiða og aflameðferðar. Honum fylgi um 2.000 tonna krókaaflamark að mestu í þorski. 

Auglýsing

Þá reki fyrirtækið tæknivædda fiskvinnslu í eigin húsnæði við Óseyrarbraut í Hafnarfirði sem sé búin margvíslegum hátæknibúnaði meðal annars nýrri vinnslulínu og vatnsskurðarvél frá Völku hf. sem hafi verið tekin í notkun á síðasta ári. Kaupverðið nemi 2.3 milljörðum króna og verði greitt að hluta með hlutabréfum í Brimi hf. sem séu í eigu félagsins og nemi um 1 prósent af heildarhlutafé Brims að verðmæti um 835 milljónir króna.

Grábrók ehf. geri út krókabátinn Steinunni HF 108 sem hafi verið smíðaður árið 2007 en honum fylgi um 850 tonna krókaflamark að mestu í þorski. Kaupverðið er 772 milljónir króna, samkvæmt tilkynningunni.

„Samkomulagið er háð eðlilegum fyrirvörum meðal annars um fjármögnun, samþykki stjórnar Brims hf. og samþykki Samkeppniseftirlits og eftir atvikum annarra eftirlitsaðila.

Gangi kaupin eftir fer Brim yfir lögbundið kvótaþak í krókaaflamarki en hefur lögum samkvæmt 6 mánuði til að gera ráðstafanir sem koma félaginu undir það þak,“ segir í tilkynningunni.

Guðmundur Kristjánsson, forstjóri Brims hf., segir að með þessum kaupum séu þau að styrkja Brim sem alhliða fyrirtæki í sjávarútvegi. „Við viljum efla starfsemi Brims samhliða því að við höfum styrkt stöðu okkar í markaðssetningu og sölu á vörum félagsins á erlendum mörkuðum. Við bætum núna við okkur þorskveiðiheimildum, tæknivæddum vinnslueiningum og mannauð sem gerir félagið betur í stakk búið til að takast á við erlenda samkeppni í vinnslu íslenskra sjávarafurða. Kambur verður rekinn áfram í húsnæði félagsins sem sjálfstætt dótturfélag Brims en við stefnum að góðu samstarfi með aukna sérhæfingu að markmiði þegar fram líða stundir.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiInnlent