Lilja Alfreðs­dóttir mennta- og menn­ing­ar­mála­ráð­herra hefur skipað nýja fjöl­miðla­nefnd til næstu fjög­urra ára. Skip­un­ar­tíma­bil nefnd­ar­innar er frá 1. sept­em­ber á þessu ári til 31. ágúst 2023. Þetta kemur fram á vef­síðu nefnd­ar­inn­ar.

Einar Hugi Bjarna­son hæsta­rétt­ar­lög­maður er for­maður nýrrar fjöl­miðla­nefndar en hann er skip­aður af ráð­herra án til­nefn­ing­ar. María Rún Bjarna­dóttir lög­fræð­ingur er vara­for­maður og er hún til­nefnd af Hæsta­rétti. Finnur Beck hér­aðs­dóms­lög­maður og for­stjóri HS orku er nýr nefnd­ar­maður en hann er til­nefndur af Hæsta­rétti og Róbert H. Har­alds­son, pró­fessor í heim­speki og sviðs­stjóri kennslu­sviðs Háskóla Íslands, er til­nefndur af sam­starfs­nefnd háskóla­stigs­ins.

Vara­menn eru Hulda Árna­dóttir hæsta­rétt­ar­lög­mað­ur, Mart­einn Más­son hæsta­rétt­ar­lög­mað­ur, Erla Skúla­dóttir hér­aðs­dóms­lög­maður og Birgir Guð­munds­son, dós­ent í fjöl­miðla­fræði við Háskól­ann á Akur­eyri.

Á vef fjöl­miðla­nefndar kemur fram að Einar Hugi Bjarna­son, for­maður nefnd­ar­inn­ar, hafi lokið emb­ætt­is­prófi í lög­fræði Háskóla Íslands árið 2005, öðl­að­ist rétt­indi sem hér­aðs­dóms­lög­maður ári seinns og rétt­indi til mál­flutn­ings fyrir Hæsta­rétti Íslands árið 2012. 

Einar Hugi sé einn af eig­endum Lög­fræði­stofu Reykja­víkur ehf. Hann hafi setið í stjórnum fjöl­margra félaga um lengri og skemmri tíma oft­ast tengt lög­manns­störf­um. 

Frá árinu 2013 hafi Einar Hugi sinnt stunda­kennslu við laga­deild Háskóla Íslands. Hann hafi einnig setið í ýmsum nefndum á vegum hins opin­bera. Hann hafi enn fremur komið að gerð frum­varps til laga um styrki til einka­rek­inna fjöl­miðla sem lagt verður fyrir á 150. lög­gjaf­ar­þingi Alþingis 2019 til 2020.