Sig­urður Ingi Jóhanns­son sam­göngu- og sveit­ar­stjórn­ar­ráð­herra segir á Face­book-­síðu sinni að und­an­farna daga hafi rignt yfir hann skeytum og sím­tölum með ábend­ingum um mynd­ina The Laun­dro­mat sem aðgengi­leg er á Net­fl­ix.

Í kvik­mynd­inni, sem sýnd er á Net­flix um þessar mund­ir, er fjallað um Panama­skjölin og lög­fræði­stof­una Mossack Fon­seca. „Svo illa vill til að í henni birt­ist mynd af mér þegar fjallað er um spillta þjóð­ar­leið­toga. Eins og fólki er eflaust í fersku minni þá var atburða­rásin á þann veg að þegar upp komst um eignir Sig­mundar Dav­íðs Gunn­laugs­son­ar, þáver­andi for­sæt­is­ráð­herra, í skatta­skjólum Mossack Fon­seca var hann knú­inn til að segja af sér,“ skrifar ráð­herr­ann.

Hann tók við sem for­­sæt­is­ráð­herra í apríl árið 2016 eftir mikið umrót í stjórn­málum á Íslandi vegna umtal­aðra upp­ljóstrana í fjöl­miðl­um. Hann var vara­for­maður Fram­sóknar á þessum tíma en var síðan kjör­inn for­­maður ­flokks­ins í byrjun októ­ber sama ár. Hann tók við emb­ætt­inu af Sig­­mundi Davíð Gunn­laugs­­syni sem síðar stofn­aði Mið­flokk­inn.

Sig­urður Ingi segir í stöðu­upp­færslu sinni á Face­book að þetta hafi verið erf­iðir tímar í íslenskum stjórn­málum og að Íslend­ingar hafi verið fullir af rétt­látri reiði og því mikil áskorun að setj­ast í stól for­sæt­is­ráð­herra. „Síðan hef ég litið á það sem eitt helsta verk­efni mitt og ann­arra stjórn­mála­manna að efla traust í íslensku sam­fé­lagi og er sú rík­is­stjórn sem nú situr við völd stórt skref í að skapa stöð­ug­leika og mynda sátt í sam­fé­lag­in­u.“

Ein­hverjir kvartað til Net­flix

Í færsl­unni þakkar hann enn fremur þeim sem hafi haft sam­band við hann fyrir þann hlý­hug og traust sem hann hafi fundið en ein­hverjir hafi að eigin frum­kvæði skrifað Net­flix og kvartað yfir rangri fram­setn­ingu.

„Eins og mér þykir það sárt og óþol­andi að vera bendl­aður við þessi spill­ing­ar­mál í The Laun­dro­mat þá verður mynd­inni vart breytt úr þessu. Fals­fréttir eru og verða vanda­mál á tækni- og upp­lýs­inga­öld. Það er áskorun fyrir fjöl­miðla­heim­inn og fram­leið­endur efnis að hafa sann­leik­ann ávallt að leið­ar­ljósi,“ skrifar hann að lok­um.