Hagn­aður Íslands­banka á fyrstu níu mán­uðum árs­ins var 6,8 millj­arðar króna, en á þriðja árs­fjórð­ungi hagn­að­ist bank­inn um 2,1 millj­arð. 

Arð­semi eigin fjár bank­ans, sem er algengur mæli­kvarði á rekstra­grunn banka, minnk­aði milli ára úr 4,9 pró­sent í 4,7 pró­sent. 

Þetta kemur fram í til­kynn­ingu bank­ans.

„Ánægju­legt er þó að kostn­að­ar­hlut­fall bank­ans hefur farið lækk­andi á tíma­bil­inu sam­an­borið við sama tíma í fyrra. Sé ein­göngu horft til móð­ur­fé­lags bank­ans er hlut­fallið nú rétt við 55% lang­tíma­mark­mið bank­ans en áfram verður unnið að því að auka hag­kvæmni í rekstri.  Lausa­fjár­staða bank­ans er sem fyrr sterk og vel yfir kröfum eft­ir­lits­að­ila auk þess sem eig­in­fjár­hlut­fall er við lang­tíma­mark­mið bank­ans,“ segir Birna Ein­ars­dótt­ir, banka­stjóri, í til­kynn­ing­u. 

Á fyrstu níu mán­uðum árs­ins var ell­efu pró­sent vöxtur í þókn­ana­tekjum og 6,5 pró­sent vöxtur í vaxta­tekjum frá sama tíma­bili í fyrra auk þess sem lána­bók bank­ans óx um 7,4 pró­sent. 

„Nei­kvæðar virð­is­breyt­ing­ar, sem meðal ann­ars má rekja til þess að nokkuð hefur hægt á efna­hags­líf­inu, hafa þó vissu­lega dregið úr afkom­unni og er arð­semi eigin fjár tíma­bils­ins undir mark­miðum bank­ans,“ segir Birna enn frem­ur.

Hagn­aður af reglu­legri starf­semi var 8,7 millj­arðar króna, sam­an­borið við 9,9 millj­arða króna á sama tíma­bili í fyrra. Hreinar vaxta­tekjur voru 25,2 millj­arðar króna og jókst um 6,5 pró­sent milli ára. Hreinar þókn­ana­tekjur voru 9,7 millj­arðar króna, og jókst um 11 pró­sent miðað við fyrstu 9 mán­uði árs­ins 2018. 

Virð­is­breyt­ing útlána var nei­kvæð um 2.078 millj­ónir króna á tíma­bil­inu, sam­an­borið við jákvæða virð­is­breyt­ingu um  1.881 millj­ónir króna á sama tíma­bili í fyrra. 

Stjórn­un­ar­kostn­aður jókst um 3 pró­sent milli ára og nam 20,8 millj­örðum króna. Kostn­að­ar­hlut­fall sam­stæðu á tíma­bil­inu var 61,3 pró­sent sam­an­borið við 65,6 pró­sent á sama tíma­bili 2018, en kostn­að­ar­hlut­fall móð­ur­fé­lags var 55,3 pró­sent sem er við 55 pró­sent lang­tíma­mark­mið bank­ans. 

Útlán til við­skipta­vina juk­ust á tíma­bil­inu og voru 909,2 millj­arðar króna í lok sept­em­ber. Ný útlán á fyrstu níu mán­uðum árs­ins 2019 voru 162,7 millj­arðar króna. Inn­lán frá við­skipta­vinum voru 610,3 millj­arðar króna í lok sept­em­ber sem er 5,4 pró­sent aukn­ing frá ára­mót­um.

Íslenska ríkið er eig­andi Íslands­banka, 100 pró­sent, en það á Lands­bank­ann einnig (99 pró­sent).