Ragnar Þór Ing­ólfs­son, for­maður VR, fór fram að laun sín fyrir for­mennsku í Lands­sam­bandi íslenzkra verzl­un­ar­manna (LÍV) yrðu lækkuð um 25 pró­sent þar sem honum þóttu þau of há. Heild­ar­laun Ragn­ars Þórs eru nú í heild sinni 1.482.213 krónur á mán­uði. Þetta kemur fram í Face­book- færslu Ragn­ars Þórs.

Þótti launin of há 

Ragnar Þór var ­sjálf­kjör­inn ­for­maður LÍV á þingi sam­bands­ins sem haldið var á Akur­eyri þann 19. októ­ber síð­ast­lið­inn. Hann tók tíma­bundið við sem for­maður LÍV í miðjum kjara­við­ræðum síð­asta vor eftir að Guð­brandur Ein­ars­son, þáver­andi for­mað­ur, ákvað að stíga til hlið­ar. 

Fyrir for­mennsku í LÍV hafa áður verið greiddar 398.136 krónur á mán­uði en í færslu sinni segir Ragnar að honum hafi fund­ist þessi laun of há. Sér­stak­lega í ljósi þess að for­menn versl­un­ar­manna­fé­laga hafa gengt stöð­unni und­an­farin ár og um ein­hverja skörun starfa er að ræða.

Hann lagði því til við stjórn LÍV að launin yrðu lækkuð og var sam­þykkt að leggja fyrir nýaf­staðið þing Lands­sam­bands­ins að lækka launin um 25 pró­sent eða í 298.602 krón­ur. 

1,5 millj­ónir á mán­uði 

Ragnar segir að hann hafi ávallt talið að upp­lýs­ingar um laun og aðrar greiðslur til for­ystu­fólks í verka­lýðs­hreyf­ing­unni þurfi að liggja fyrir opin­ber­lega til að tryggja gegn­sæi og koma í veg fyrir mögu­lega hags­muna­á­rekstra. Því ákvað hann að greina frá núver­andi heild­ar­launum sínum á Face­book.

Laun hans fyrir for­mennsku í VR­ eru 1.183.611 krónur á mán­uði og laun hans fyrir for­mennsku í LÍV eru 298.602 krónur á mán­uði. Sam­tals eru heild­ar­launin hans 1.482.213 krónur á mán­uði. Þá tók hann ­sér­stak­lega fram hann fái ekki aðrar greiðslur fyrir trún­að­ar­störf á vegum verka­lýðs­hreyf­ing­ar­innar né ann­ars stað­ar­ frá.