Tekjur Sós­í­alista­flokks Íslands voru 6,2 millj­ónir króna á árinu 2018, en útgjöld hans 3,6 millj­ónir króna. Því var 2,6 millj­óna króna hagn­aður á rekstri flokks­ins á síð­asta ári þrátt fyrir að hann hafi boðið fram í fyrsta sinn í borg­ar­stjórn­ar­kosn­ing­unum í fyrra­vor.

Þetta kemur fram í útdrætti úr árs­reikn­ingi Sós­í­alista­flokks Íslands sem birtur hefur verið á vef Rík­is­end­ur­skoð­un­ar. 

Tekjur Sós­í­alista­flokks­ins sam­an­stóð af fram­lögum frá ein­stak­lingum og lög­að­il­um. Mest mun­aði um félags­gjöld og fram­lög undir 200 þús­und krón­um, en þau námu alls um 3,1 millj­ónum króna. Tveir ein­stak­ling­ar, Kári Stef­áns­son, for­stjóri íslenskrar erfða­grein­ing­ar,  og Sig­urður Pálma­son, gáfu flokknum sitt hvorar 250 þús­und krón­urn­ar. Þá fékk hann 250 þús­und krónur í fram­lag frá félag­inu For­varnir og eft­ir­lit ehf., í eigu Ólafs Sig­urðs­son­ar, auk þess sem fram­lag Reykja­vík­ur­borg­ar, í formi styrkja vegna fram­boðs flokks­ins í fyrra, nam 901 þús­und krón­um. 

Þá hafði Sós­í­alista­flokk­ur­inn tæp­lega 1,5 milljón króna í tekjur vegna við­burð­ar­halds á síð­asta ári. 

Náðu inn full­trúa með rót­tæka stefnu og lítið fé

Sós­í­alista­flokk­ur­inn náði 6,4 pró­sent atkvæða í borg­ar­stjórn­ar­kosn­ing­unum í Reykja­vík í fyrra og Sanna Magda­lena Mörtu­dóttir er í kjöl­farið í mjög sterkri stöðu í borg­ar­stjórn. Sós­í­alista­flokk­ur­inn var eini flokk­ur­inn sem náði inn kjörnum full­trúa sem er ekki með full­trúa á Alþingi í dag, og hafði því ekki aðgengi að þeim hund­ruð millj­óna sem hinir sjö flokk­arnir sem náðu inn er skammtað af fjár­lögum ár hvert.

Sós­í­alistar ráku þess í stað mjög árang­urs­ríka, ein­beitta, skýra og stíl­hreina bar­áttu í gegnum sam­fé­lags­miðla fyrir sára­lítið fé sem vakti mikla og verð­skuld­aða athygl­i.