„Hreint og klárt verkfallsbrot“

Blaðamenn stærstu vefmiðlanna hafa lagt niður störf en verkfall félaga í Blaðamannafélagi Íslands sem starfa á Fréttablaðinu, Morgunblaðinu, RÚV og miðlum Sýnar stendur nú yfir. Mbl og RÚV hafa þó birt fréttir eftir að verkfallið hófst.

Vefmiðlar í verkfalli 8. nóvember 2019
Auglýsing

Blaða­menn, ljós­mynd­arar og mynda­töku­menn á stærstu vef­miðlum lands­ins, Vísi, Mbl, Frétta­blaðs­ins og RÚV, hafa lagt niður störf en þetta er fyrsta vinnu­stöðv­unin af fjórum í verk­falls­að­gerðum sem Blaða­manna­fé­lag Íslands hefur boð­að. 

Afger­andi meiri­hluti blaða­­­manna greiddi at­­­kvæði með vinn­u­­­stöðv­­unum í at­­­kvæða­greiðslu BÍ sem fór fram í lok októ­ber. Blaða­­menn hafa verið samn­ings­­lausir frá því um ára­­mót, en ekki hafa náðst samn­ingar við stærstu fyr­ir­tæk­in.

Kjarn­inn, Birt­ingur og Stundin hafa þegar sam­­þykkt að ganga að kröfum Blaða­­manna­­fé­lags­ins en það á ekki við um stærstu fyr­ir­tæk­in, Sýn, Torg útgáfu­­fé­lag Frétta­­blaðs­ins, og Árvak­­ur, og RÚV.

Auglýsing

Athygli vekur að á vef mbl.is hafa þónokkrar fréttir verið birtar eftir klukkan 10 í dag. Hjálmar Jóns­son, for­­maður Blaða­­manna­­fé­lags Íslands, segir í sam­tali við Kjarn­ann að þetta sé hreint og klárt verk­falls­brot. „Við munum þó halda ró okkar og fara yfir stöð­una eftir dag­inn,“ segir hann.

Vísir og Frétta­blaðið hafa ekki birt fréttir frá því fyrir klukkan 10 í morgun en það hefur RÚV aftur á móti gert. Í frétt RÚV um verk­fallið kemur fram að áhrif á starf­semi ruv.is séu tak­mörkuð þar sem stærstur hluti frétta­manna á frétta­stofu RÚV sé í Félagi frétta­manna en ekki Blaða­manna­fé­lag­inu.

Þrjár aðrar vinnu­stöðv­anir framundan ef ekki nást samn­ingar

Hjálmar JónssonHjálmar hefur áður sagt að samn­ings­til­­boð SA hafi verið óvið­un­andi til þessa, og að kröfur blaða- og frétta­­manna séu sann­­gjarnar og sjálf­­sagð­­ar.

Aðrar þrjár vinnu­stöðv­anir eru skipu­lagðar næstu þrjá föst­u­daga og ná fyrstu þrjár ein­­göngu til net­miðla, ljós­­mynd­­ara og töku­­manna.

Hjálmar sagði í fjöl­pósti sem hann sendi starfs­mönnum á fjöl­miðlum sem fóru í verk­fall í dag að þau leggi alla áherslu á þetta fari vel fram og verði öllum til sóma þegar upp er stað­ið. „Vinnu­deilur geta verið erf­iðar þess vegna vöndum við okk­ur. Ég hef skrifað yfir­mönnum á rit­stjórnum í þrí­gang og lagt áherslu á þetta sjón­ar­mið okkar og á ekki von á öðru en allt fari vel fram. Verðið þið vör við eitt­hvað sem þið teljið að sé vafa­samt og geti verið verk­falls­brot skráið þið það hjá ykkur og til­kynnið félag­inu og við förum yfir það að lok­inni vinnu­stöðv­un.”

Blaða­menn fara sjaldn­ast heim þegar umsömdum vinnu­tíma líkur

Aðal­heiður Ámunda­dótt­ir, blaða­maður á Frétta­blað­inu, tjáir sig um verk­fallið í stöðu­upp­færslu á Face­book. „Fæst okkar fóru í blaða­mennsku fyrir pen­ing­inn heldur erum við ein margra stétta sem störfum af hug­sjón og höfum það mark­mið að gera sam­fé­lag­inu gagn. Þótt við höfum fjallað um kjara­bar­áttu allra ann­arra stétta og ættum að þekkja til, þá er lang­lund­ar­geð okkar gagn­vart eigin kjörum ótrú­lega mik­ið. Flestir blaða­menn fá greitt eftir taxta sem er breyt­ing frá fyrri tíð. Við höfum dreg­ist mjög aftur úr í launum og höfum ekki fengið leið­rétta þá skerð­ingu á launa­kjörum sem stéttin tók á sig eftir efna­hags­hrun­ið,“ skrifar hún.

Hún bendir á að eftir eitt ár í starfi fái blaða­maður með BA-­próf 400 þús­und krónur í laun á mán­uði sam­kvæmt taxta. „Við viljum hífa þá fjár­hæð upp í 442 þús­und eins og samið var um við Birt­ing og aðra miðla og við krefj­umst leið­rétt­ingar upp launa­töfl­una.“

Hún segir enn fremur að margar stéttir kalli nú eftir styttri vinnu­viku. Blaða­menn fari hins vegar sjaldn­ast heim þegar umsömdum vinnu­tíma líkur og hætti þeir ekki að vinna þótt heim sé kom­ið. „Mörg okkar vinna tugi yfir­vinnu­tíma í mán­uði sem við fáum aldrei greidda. Það tíðkast ekki. Stytt­ing vinnu­vik­unnar í til­viki okkar blaða­manna myndi þýða enn meira sjálf­boða­starf. Í stað­inn viljum við fá laun fyrir unnin störf. Þótt blaða­menn hafi fjallað um kjara­bar­áttu ann­arra stétta geta þeir ekki skrifað fréttir um eigin kjara­bar­áttu, enda í verk­falli. Við þiggjum hins vegar stuðn­ing sam­fé­lags­ins á sam­fé­lags­miðl­u­m.“

Blaða­menn á stærstu vef­miðlum lands­ins hafa lagt niður störf og verða frá lykla­borð­unum í fjóra tíma. Fæst okkar fóru í...

Posted by Aðal­heiður Ámunda­dóttir on Fri­day, Novem­ber 8, 2019

„Ótrú­legt að verða vitni að fram­gangi SA“

Blaða­manna­fé­lagið fékk í hádeg­inu í gær fregnir af dreifi­bréfi frá SA um fram­kvæmd verk­falls­ins. Í frétt BÍ um málið kemur fram að þess­ari túlkun á fram­kvæmd verk­falls hafi að minnsta kosti verið dreift á RÚV og Morg­un­blað­in­u.  

Þar komi meðal ann­ars fram sá skiln­ingur að verk­fallið nái ekki til starfa eða starfs­greina og sé ekki annað að skilja en að utan­fé­lags­fólk geti þá sinnt þeirri starf­semi sem verk­fallið nær til. Og sé því jafn­framt haldið fram að verk­takar megi vinna og ganga í störf fast­ráð­inna blaða­manna. 

Á vef BÍ má sjá túlkun SA:

  • Verk­falls­boðun fyrir 8., 15. og 22. nóv­em­ber n.k. tekur til ljós­mynd­ara og töku­manna Árvak­urs hf., Rík­is­út­varps­ins ohf., Sýnar hf. og Torgs ehf. og þeirra blaða- og frétta­manna sem starfa hjá net­miðlum þeirra.
  • SA árétta að það eru félags­menn Blaða­manna­fé­lags­ins á vef­miðlum sem leggja niður störf. Starfið sjálft fer ekki í verk­fall og vef­ur­inn lok­ast ekki. Verk­fall nær hvorki til félags­manna ann­arra stétt­ar­fé­laga eða ófé­lags­bund­inna starfs­manna vef­miðl­anna.
  • Verk­fall nær ekki til starfa eða starfs­greina, ein­ungis þeirra félags­manna sem sinna til­teknum störfum og verk­falls­boðun nær til.
  • Verk­fall nær til félags­manna þess stétt­ar­fé­lags sem boðar verk­fall, ekki ann­arra, sbr. m.a. dóma Félags­dóms í málum nr. 8/1944, 4/1987 og 11/1997.
  • Félags­menn í öðrum stétt­ar­fé­lögum eiga að sinna störfum sínum eins og áður.
  • Stjórn­endum er heim­ilt að ganga í störf starfs­manna í verk­falli, sbr. m.a. dóma Hæsta­réttar í málum nr. 151/1985, 287/1989 og 3/1992. Þeim sem hafa á hendi fram­kvæmda­stjórn fyr­ir­tækja er heim­ilt að ganga í störfin óháð félags­að­ild enda falla þeir utan gild­is­sviðs kjara­samn­inga og verk­falls­boðun nær þ.a.l. ekki til þeirra. Stjórn­endur ein­stakra þátta atvinnu­rekstrar er einnig heim­ilt að ganga í störfin standi þeir utan BÍ.
  • Ef stjórn­andi fellur undir gild­is­svið kjara­samn­ings og er félags­bund­inn í stétt­ar­fé­lagi í verk­falli þá leggur hann niður störf eins og aðrir félags­menn.
  • Útgef­endur þurfa að meta hvernig þeir nýta starfs­krafta félags­manna BÍ sem sinna öðrum störfum auk vef­miðla. Ef starf við vef­miðla er að fullu aðskilið frá öðrum störfum leggja þeir niður störf til­tek­inn hluta dags­ins og falla þá af launa­skrá. Ef starf á vef­miðli er sam­þætt öðrum störfum er umdeil­an­legt hvort verk­falls­boðun geti náð til þeirra. Útgef­endur munu þó ekki að sinni að gera athuga­semd við það að þeir blaða­menn leggi niður störf.

Hjálmar segir í frétt BÍ ótrú­legt að verða vitni að fram­gangi SA í þessu máli öllu. Bar­átta verka­lýðs­hreyf­ing­ar­innar frá því á síð­ustu öld hafi löngum snú­ist um það að verk­falls­rétt­ur­inn sé virt­ur. Knúið hafi verið fram að þegar farið er í verk­föll þá nái slík verk­föll til þeirrar starfa sem undir starfs­grein­ina heyra. Utan­fé­lags­fólk sé að sjálf­sögðu bundið af verk­föllum ann­ars væri vinnu­stöðvun til lít­ils.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Alþingi hefur ekki tekist að endurheimta það traust sem hefur tapast frá byrjun árs 2018.
Almenningur treystir síst Alþingi, borgarstjórn og bankakerfinu
Eitt af markmiðum sitjandi ríkisstjórnar samkvæmt stjórnarsáttmála var að efla traust á stjórnmál og stjórnsýslu. Í dag er traust á Alþingi sex prósentustigum minna en það var í upphafi kjörtímabils, þótt að hafi aukist umtalsvert frá því í fyrra.
Kjarninn 26. febrúar 2020
Ekki sést jafn mikil neikvæð áhrif á flugiðnað síðan 11. september 2001
Greinendur segja að smám saman sé að koma í ljós hversu gríðarleg áhrif kórónaveiran hefur haft í Kína og víðar. Útlit er fyrir að efnahagslegu áhrifin verði mikil á næstu mánuðum.
Kjarninn 26. febrúar 2020
Davíð Stefánsson og Sunna Karen Sigurþórsdóttir
Davíð og Sunna Karen hætta sem ritstjórar hjá Torgi
Skipu­lags­breytingar hafa verið gerðar hjá Torgi, út­gáfu­fé­lagi Frétta­blaðsins og fleiri miðla.
Kjarninn 25. febrúar 2020
Úr Er ég mamma mín?
„Sláðu hann, Sólveig! Kýld‘ann, Kristbjörg!“
Leiklistargagnrýnandi Kjarnans fjallar um Er ég mamma mín? eftir Maríu Reyndal í Borgarleikhúsinu.
Kjarninn 25. febrúar 2020
Þórdís Kolbrún R. Gylfadóttir
Nýsköpunarmiðstöð Íslands lögð niður um næstu áramót
Niðurstaða greiningarvinnu atvinnuvega- og nýsköpunarráðuneytisins er sú að hluta verkefna Nýsköpunarmiðstöðvar Íslands megi framkvæma undir öðru rekstrarformi.
Kjarninn 25. febrúar 2020
Ríkisstjórnin vill auka gagnsæið hjá 30 óskráðum en þjóðhagslega mikilvægum fyrirtækjum
Í drögum að nýju frumvarpi, sem ríkisstjórnin hefur lagt fram til að auka traust á íslenskt atvinnulíf, er lagt til að skilgreining á „einingum tengdum almannahagsmunum“ verði víkkuð verulega út og nái meðal annars til stóriðju og sjávarútvegsrisa.
Kjarninn 25. febrúar 2020
Virkjanir undir 10 MW hafa verið kallaðar smávirkjanir.
Vilja einfalda lög og reglur um smávirkjanir
Þingmenn Framsóknarflokksins segja umsóknarferli varðandi minni virkjanir fjárfrekt og langt og að smávirkjanir séu umhverfisvænir orkugjafar þar sem þær stuðli „að minni útblæstri óæskilegra efna sem hafa áhrif á hitastig jarðar“.
Kjarninn 25. febrúar 2020
Aðalsteinn Leifsson
Aðalsteinn Leifsson nýr ríkissáttasemjari
Félags- og barnamálaráðherra hefur skipað Aðalstein Leifsson framkvæmdastjóra hjá EFTA sem ríkissáttasemjara frá og með 1.apríl næstkomandi.
Kjarninn 25. febrúar 2020
Meira úr sama flokkiInnlent