Í frum­varpi til fjár­auka­laga er gerð til­laga um fram­lag til Lands­réttar verði hækkað um 20,3 millj­ónir króna og að 7,8 millj­ónum króna verði milli­færðar úr vara­sjóði mála­flokks­ins. Ástæðan er þörf sem skap­ast hefur til að mæta launa­kostn­aði þriggja skip­aðra lands­rétt­ar­dóm­ara frá því í ágúst vegna áhrifa dóms Mann­rétt­inda­dóm­stóls Evr­ópu um að fjórir dóm­arar séu ekki lög­legir til að dæma við rétt­inn. Áætl­aður heild­ar­kostn­aður við fram­kvæmd­ina er því 28,1 millj­ónir króna. Í frum­varp­inu segir að útgjöldin séu „ ófyr­ir­séð og metin óhjá­kvæmi­leg.“

Mann­rétt­inda­dóm­­stóll­inn felldi dóm sinn í Lands­rétt­ar­mál­inu svo­kall­aða 12. mars síð­­ast­lið­inn. Í honum fengu bæði Sig­ríður Á. And­er­sen, fyrr­ver­andi dóms­­­­mála­ráð­herra, og Alþingi á sig áfell­is­­­­dóm fyrir það hvernig haldið var á skipan 15 dóm­­­­ara við Lands­rétt í byrjun júní 2017. 

Sig­ríður fyrir að hafa brotið stjórn­sýslu­lög með því að breyta list­­­­anum um til­­­­­­­nefnda dóm­­­­ara frá þeim lista sem hæf­is­­­­nefnd hafði skilað af sér, og fært fjóra dóm­­­­ara af þeim lista en sett aðra fjóra inn á hann án þess að rann­saka og rök­­­­styðja þá ákvörðun með nægj­an­­­­legum hætti. Alþingi fyrir að hafa kosið um skipan dóm­­­­ar­anna allra í einu, í stað þess að kjósa um hvern fyrir sig. Sig­ríður sagði af sér emb­ætti dag­inn eftir dóm­inn og óvissa ríkir um starf­­­­semi milli­­­­­­­dóm­­­­stigs­ins vegna dóms­ins.

Dóm­ar­arnir fjórir sem um ræðir eru Arn­­­­­­­fríður Ein­­­­­­­ar­s­dótt­ir, Ragn­heiður Braga­dótt­ir, Ásmundur Helga­­­­­­­son og Jón Finn­­­­­­­björns­­­­­­­son. Þau hafa ekki dæmt í málum í Lands­rétti frá því að dóm­ur­inn féll.