Á morg­un, mánu­dag, kemur út bókin „Ekk­ert að fela –Á slóð Sam­herja í Afr­íku“ eftir Helga Selj­an, Aðal­stein Kjart­ans­son og Stefán Aðal­stein Drengs­son, teymið sem vann umfjöllun Kveiks um Sam­herja og við­skipta­hætti fyr­ir­tæk­is­ins í Afr­íku sem sýnd var á RÚV á þriðju­dags­kvöld. 

Bókin er gefin út af Vöku Helga­felli, er 356 síður að lengd og er ítar­leg umfjöllun um Sam­herj­a­mál­ið. Hún byggir meðal ann­ars á gögnum sem höf­und­arnir fengu aðganga að í gegnum sam­starf sitt við Wiki­leaks, Al Jazeera og Stund­ina. 

Í henni er sagan sem upp­ljóstr­ar­inn Jóhannes Stef­áns­son, sagan sem gögnin og tölvu­póst­arnir sem Wiki­leaks hefur nú birt að hluta til á net­inu og hlaupa á tugum þús­unda og sagan sem öll hin púslin sem teymið fann við margra mán­aða vinnu sína sögð á heild­rænan og ítar­legan hátt og sett í mun víð­ara sam­heng­i. 

Á þriðju­dag opin­ber­uðu Kveikur og Stundin hvernig við­skipta­hættir Sam­herja í Afr­íku, nánar til­tekið í Namib­íu, á síð­ustu árum á meðan að fyr­ir­tækið náði undir sig mjög verð­mætum hrossa­makríl­skvóta í land­inu. Það var gert með mútu­greiðslum til tveggja ráð­herra í land­inu og ann­arra manna úr þeirra nán­asta hring. Þær námu 1,4 millj­arði króna hið minnsta og hófust með því að reiðufé var afhent í íþrótta­töskum en tóku svo á sig fag­legri mynd og fóru fram í gegnum milli­færslur á reikn­inga í Dúbaí. 

Frá því að þátt­ur­inn fór í loftið hafa ráð­herr­arnir tveir, Bern­hardt Esau, sjá­v­­­ar­út­­­vegs­ráð­herra Namib­­íu, og Sacky Shang­hala, dóms­­mála­ráð­herra lands­ins, sagt af sér emb­ætt­i. Á fimmtu­dag steig Þor­steinn Már Bald­vins­son, for­stjóri Sam­herja, til hlið­ar.