Rósa Björk Brynj­ólfs­dótt­ir, þing­maður VG og nefnd­ar­maður í atvinnu­vega­nefnd Al­þing­is, hefur óskað eftir því að Krist­ján Þór Júl­í­us­­son, ­sjáv­ar­út­vegs- og land­bún­að­ar­ráð­herra mæti sem fyrst á fund atvinnu­vega­nefndar til að fara yfir Sam­herj­a­mál­ið. Meðal ann­ars til að ræða hvort að ráðu­neytið hafi gripið til ein­hverra aðgerða vegna máls­ins og ef svo er, til hvaða aðgerða. Rósa Björk greinir frá þessu í Face­book-­færslu í morg­un. 

Íslensk stjórn­mál geti ekki setið hjá aðgerð­ar­laus

„Áhrif Sam­herj­a­máls­ins eigum við eftir að sjá að fullu leyti. Þar undir er skatt­kerfi okkar og eft­ir­lit með því, sam­þjöppun í sjáv­ar­út­vegi, alþjóða­sam­vinna sem snýst ekki bara um heil­indi í þró­un­ar­sam­vinnu og eft­ir­fylgni með henni, heldur líka að standa við alþjóð­lega samn­inga um aðgerðir gegn pen­inga­þvætti og spill­ingu, náin tengsl stjórn­mál­anna og sjáv­ar­út­vegs­fyr­ir­tækja. Stjórn­ar­skrár­breyt­ingar sem beðið hefur verið eftir í alltof langan tíma. Orð­spor okkar á erlendri grundu. Og fleira - eins ótrú­legt það kann að hljóma,“ skrifar Rósa Björk en að hennar mati er Sam­herj­a­málið af þeim skala og af því umfangi að íslensk stjórn­mál geti ekki setið hjá aðgerðalaus. 

Hún hefur því óskað eftir því að sjáv­ar­út­vegs­ráð­herra komi fyrir atvinnu­vega­nefnd og ræði stöðu Sam­herja sem sé stærsta sjáv­ar­út­vegs­fyr­ir­tæki lands­ins og jafn­framt eitt umfangs­mesta sjáv­ar­út­vegs­fyr­ir­tæki í Evr­ópu. Enn fremur þurfi að ræða afleið­ingar Sam­herj­a­máls­ins á önnur íslensk fyr­ir­tæki og grein­ina í heild sinn­i. 

„Á mál­inu eru margar hliðar en grunn­kjarn­inn í því er samt nýt­ing á auð­lind okkar allra og útdeil­ing á arð­inum á þeirri nýt­ingu. Sam­söfnun auðs á fárra manna hend­ur, í stað þess að meiri arður af nýt­ing­unni renni í sam­eig­in­lega sjóði okkar allra er stefið í margra ára deilum íslensks sam­fé­lags um fisk­veiði­stjórn­un­ar­kerf­ið,“ skrifar Rósa Björk.