Íslenskum fjár­mála­fyr­ir­tækjum sem taka við inn­lánum sem hafa verið í við­skiptum við Sam­herja og tengd félög hefur verið gert að veita Fjár­mála­eft­ir­lit­inu (FME) upp­lýs­ingar um áhættu­mat þeirra á Sam­herj­a­sam­stæð­unni. Auk þess eiga fjár­mála­fyr­ir­tæk­in, sem eru að uppi­stöðu stærstu bank­arnir fjór­ir, að upp­lýsa eft­ir­litið um hvernig reglu­bundnu eft­ir­liti þeirra með við­skiptum við Sam­herja hafi verið hátt­að. 

Frá þessu er greint í Frétta­blað­inu í dag. 

Þegar hefur verið greint frá því í fjöl­miðlum að stjórnir Íslands­banka, sem er helsti við­skipta­banki Sam­herja á Íslandi, og Arion banka hafi ákveðið að láta fara fram ítar­lega könnun á við­skiptum við Sam­herj­a­sam­stæð­una. Stjórn Lands­bank­ans hefur ekki viljað upp­lýsa um hvort að slík könnun sé að fara fram. Í Nor­egi hefur norski bank­inn DNB, helsti við­skipta­banki Sam­herj­a,  fyr­ir­skipað inn­an­hús­rann­sókn á við­skiptum hans við Sam­herja eftir að greint var frá því að reikn­ingar útgerð­ar­fyr­ir­tæk­is­ins hjá DNB hafi meðal ann­ars verið not­aðir til þess að milli­færa um níu millj­arða króna frá félagi á Mars­hall-eyj­u­m.  

Það félag var ekki með upp­gef­inn raun­veru­legan eig­anda, en ein helsta kvöðin vegna pen­inga­þvætt­is­varna er sú að bankar þurfa að þekkja við­skipta­vini sína og upp­runa fjár­magns­ins sem þeir færa inn á reikn­inga. Banka­reikn­ing­unum sem um ræðir var lokað í fyrra eftir að banda­rískur banki gerði við­vart um að fjár­magns­flutn­ing­arnir stæð­ust lík­ast til ekki skil­yrði sem sett væru vegna pen­inga­þvætt­is­varna.

Kjer­stin Braathen, for­stjóri DNB, sagði við norska við­skipta­blaðið Dag­ens Nær­ingsliv í gær að hún úti­loki ekki að bank­inn hafi verið mis­not­aður í tengslum við mál­ið. Hún líti málið alvar­legum aug­um.

Siv Jen­sen, fjár­mála­ráð­herra Nor­egs, hefur kallað eftir því að DNB leggi öll spil á borðið vegna máls­ins og yfir­maður pen­inga­þvætt­is­eft­ir­lits DNB sagði upp störfum í haust. DNB hefur opin­ber­lega sagt að það hafi verið vegna skipu­lags­breyt­inga en norskir fjöl­miðlar tengja það við það sem átt hafði sér stað vegna fjár­magnstil­færslna Sam­herja.