Starfs­fólk Haf­rann­sókn­ar­stofn­unar (Hafró) er ugg­andi yfir þeim breyt­ingum sem boð­aðar hafa verið á starf­sem­inni, en 14 störf munu hverfa á brott við hag­ræð­ingu og skipu­lags­breyt­ing­ar. 

Ályktun þess efnis var sam­þykkt af starfs­mönn­um, sem vitnað var til í frétt Fiski­frétta, en í henni segir að þessar breyt­ingar séu alfarið á ábyrgð stjórn­valda. Þau beri ábyrgð á „al­var­legri stöðu stofn­un­ar­inn­ar“ og starfs­menn hafi veru­legar áhyggjur af fram­tíð henn­ar. Þeir segja jafn­framt að upp­sagn­irnar hafi áhrif á kjarna­starf­semi henn­ar, þvert á orð Sig­urðar Guð­jóns­son­ar, for­stjóra, um hið gagn­stæða.

Í fyr­ir­spurn sem Kjarn­inn sendi til Hafró vegna þess­ara breyt­inga, var spurt um hvernig störf það væru sem hyrfu á brott vegna hag­ræð­ingar innan stofn­un­ar­inn­ar. 

Í svari Sól­eyjar Morthens, þró­un­ar­stjóra Hafró, kemur fram að hluti af stör­f­unum sé á sviði rann­sókna, en skipu­lags­breyt­ingar innan Hafró hafi það að mark­miði að auka skil­virkn­i. 

„Fyrst og fremst er um að ræða störf sviðs­stjóra sem leggj­ast nið­ur, þar sem fækkað er í fram­kvæmda­stjórn. Einnig mun störfum í stoð­þjón­ustu (bók­haldi, skjala­vinnslu og UT) fækka. Auk þessa fækka ögn í hóp sér­fræð­inga, en ekki er talið að það muni hafa áhrif á fyr­ir­liggj­andi rann­sókn­ir. Vonir standa til að með breyttu skipu­riti verði aukin skil­virkni og flæði á milli sviða stofn­un­ar­inn­ar. Það liggur í hlut­ar­ins eðli að eng­inn stjórn­andi vill vera í þeim sporum að hag­ræða þurfi í rekstri með upp­sögn­unum starfs­fólks en þess­ar aðgerðir hafa verið unnar í sam­ráði við ráðu­neyt­ið,“ segir í svari Sól­eyj­ar.

Ekki er langt síðan að starfs­fólk ann­arrar stofn­unar á sviði rann­sókna og eft­ir­lits í sjáv­ar­út­vegi, sendi frá sér yfir­lýs­ingu vegna breyt­inga sem stjórn­völd boð­uðu. Það var gert þegar stjórn­völd til­kynntu um flutn­ing Fiski­stofu til Akur­eyrar af höf­uð­borg­ar­svæð­inu árið 2014, en svo til allir starfs­menn Fiski­stofu mót­mæltu því harð­lega þegar um það var til­kynnt, með skömmum fyr­ir­vara og engri kynn­ingu fyrir starfs­fólki og sér­fræð­ingum Fiski­stofu.

Í skýrslu Fiski­stofu um flutn­ing­ana, frá því 12. febr­úar á þessu ári, segir að kostn­aður við flutn­ing­inn sé umtals­verður og að hann sé við­var­andi baggi á starf­semi stofn­un­ar­inn­ar, ofan á miklar manna­breyt­ing­ar. Nokkuð vel hafi þó tekist, að takast á við þessar breyt­ing­ar, og nýjar áherslur fylgi 

„Kostn­aður við flutn­ing­inn er umtals­verður og hefur verið ákveð­inn baggi á stofn­un­inni og óljóst hvort fjár­fram­lög fáist að fullu vegna þess kostn­að­ar­auka sem orð­inn er og er fyr­ir­sjá­an­leg­ur. Við­búið er að slíkt geti ekki gengið lengi án þess að koma niður á starf­semi stofn­un­ar­inn­ar. Ef horft er til lang­tíma ­kostn­að­ar­auka þá má segja að Fiski­stofa þurfi að fórna einu til tveimur stöðu­gildum til þess að standa 10 undir auknum kostn­aði vegna breyttrar stað­setn­ingar höf­uð­stöðv­anna komi ekki til var­an­leg­t við­bót­ar­fjár­magn til að mæta því,“ segir meðal ann­ars í skýrsl­unn­i.